Avstraliyadagi auksionda bir vaqtlar Adolf Gitlerga tegishli bo‘lgan jami sakkizta buyum sotildi. Bu haqda Daily Mail xabar qilgan.
Portsigar va soqol chotkasi eng xaridorgir buyumlardan bo‘ldi, ularning har birini sotib olish uchun 20 dan ziyod so‘rov berildi va buyumlarning boshlang‘ich narxi 9,7 ming AQSh dollarini tashkil qildi.
Yakunda eksponatlar orasida 22 ming AQSh dollariga sotilgan portsigar auksiondagi eng qimmat buyumga aylandi.
Gitlerning idish-tovoqlar to‘plami 19 ming dollarga sotilgan. Mazkur buyumlardan tashqari fyurerning soqol chotkasi 14 ming dollarga, oq metall korpusli ko‘zgucha 11 ming, oyoq kiyim uchun metall dastali chotka esa 10 ming dollarga sotilgan. Gitlerning rafiqasi Yeva Braunga tegishli sanchqi 2,9 ming AQSh dollariga pullangan.
Ushbu buyumlar 500 ta harbiy predmetlar orasida sotilgan va ularni auksionga qo‘ygan kolleksioner xo‘jalik anjomlari juda nodir va kamyob ekanligini qayd etgan.
2021-yil fevral oyida Adolf Gitlerning shaxsiy buyumlari AQShda kimoshdi savdosiga qo‘yilgandi.
Izoh (0)