Misr poytaxti Qohira shimolidagi Qalyubiya viloyatida yo‘lovchi poyezd relsdan chiqib ketishi oqibatda 11 kishi halok bo‘ldi. Bu haqda Associated Press’ga tayanib, “Interfaks” xabar berdi.
Temiryo‘l ma’muriyati bayonotiga ko‘ra, Qalyubiya viloyatining Benxa shahrida poyezdning to‘rtta vagoni relsdan chiqib ketgan. Xabarda aytilishicha, poyezd yo‘nalishi Misr poytaxtidan Nil deltasidagi Mansur shahriga bo‘lgan. Ijtimoiy tarmoqlarda ag‘darilgan vagonlar va temiryo‘l bo‘ylab qochayotgan yo‘lovchilarning foto va videoroliklar tarqalgan.
Sog‘liqni saqlash vazirligi halok bo‘lganlardan tashqari kamida 98 kishi jarohat olgani, ularning aksariyati suyak sinishi, teri shikastlanishi bilan kasalxonaga yotqizilgani haqida xabar bergan. Benxa universiteti kasalxonasida odamlar temiryo‘l halokati qurbonlariga qon topshirish uchun navbatda turgan.
Misr transport vaziri Kamol al-Vazir voqea joyiga jo‘nab ketgan. Temiryo‘llar boshqarmasi boshlig‘i Ashraf Aslanning so‘zlariga ko‘ra, hodisa sababiga oydinlik kiritish uchun favqulodda texnik komissiya tuzilgan.
“Ahram Daily” davlat gazetasining xabar berishicha, ma’murlar aviahalokat bo‘yicha tergov oldidan kamida 10 nafar temiryo‘l xodimlarini, shu jumladan poyezd haydovchisi va uning yordamchisini hibsga olgan.
🟥Video: Massive tow truck pulls the derailed train in Toukh.
— Egypt Today Magazine (@EgyptTodayMag) April 18, 2021
◾️ 11 killed, 98 injured in Toukh train derailment
Details at https://t.co/DOdFAhWrPl#EgyptToday #Egypt | #القيلوبية #قطار_طوخ #المنصورة pic.twitter.com/5HQraPx4mG
26-mart kuni Misr janubidagi Soxag hududida ikkita yo‘lovchi poyezdining o‘zaro to‘qnashishi oqibatida kamida 32 nafar odam halok bo‘lib, yana 91 kishi turli darajadagi tan jarohatlari olgan edi. Poyezdlarning u qadar katta tezlikda harakatlanmagani biri boshqasining ortidan yurgani ma’lum qilingan. To‘qnashuvdan keyin ikkita vagonga jiddiy talafot yetgan, ularning biri ag‘darilib qolgan.
Izoh (0)