Rossiya o‘z orbital stansiyasini yaratish va 2025-yildan Xalqaro kosmik stansiya (XKS) loyihasidan chiqib ketish niyatida. Bu haqda Rossiya bosh vazirining o‘rinbosari Yuriy Borisov “Moskva. Kreml. Putin” dasturida ma’lum qildi, deb yozadi Meduza.
Bosh vazir yordamchisining so‘zlariga ko‘ra, Rossiya rasmiylari bu haqda XKSdagi sheriklarini “ochiq-oydin ogohlantiradi”.
“Roskosmos” matbuot xizmatining xabar qilishicha, stansiya taqdiri to‘g‘risida hali so‘nggi qaror qabul qilinmagan.
“XKSda 2024-yilgacha faoliyat olib borish to‘g‘risida hamkorlarimiz bilan kelishuvimiz bor. Ushbu muddat tugagandan so‘ng, qaror qabul qilish muddati, asosan, o‘z ish faoliyatini tugatgan stansiya modullarining texnik holati, shuningdek, yangi avlod orbital xizmat ko‘rsatish stansiyasini joylashtirish bo‘yicha rejalarimiz asosida amalga oshiriladi ” —deyiladi “Roskosmos” xabarida.
Xalqaro kosmik stansiyasi faoliyatining muddati 2024-yilda tugaydi. Avvalroq XKS Rossiya segmentidagi parvozlar rahbari Vladimir Solovyev stansiyaning ishlash muddati 2030-yilgacha uzaytirilishi mumkinligini aytgan edi, ammo u 2025-yildan keyin XKSda “ko‘plab elementlarning qor ko‘chkisi singari joyidan ko‘cha boshlashi” mumkinligini tan olgan.
Shuningdek, “Energiya” Raketa-kosmik korporatsiyasi markazi boshlig‘ining o‘rinbosari Yuriy Gidzenko XKS faoliyatini 2028-yilga qadar uzaytirish to‘g‘risida qaror qabul qilingani aytgandi. Gidzenko XKSdagi yamalgan yoriqlar 2028-yilga qadar stansiyaning faoliyat muddatini qisqartirishga hech qanaqasiga ta’sir qilmasligini aytgan.Fevral oyi oxirida Parvozni boshqarish markazi XKSning Rossiya korpusida havo sizib chiqadigan oltita yoriq bor bo‘lishi mumkinligi haqida xabar bergan. 2020-yil oktabr oyida XKS ekipaji Rossiyaning “Zvezda” korpusi oraliq kamerasida 4,4—4,5 sm uzunlikdagi yoriqni aniqlagan.
“RBK” nashrining xabar berishicha, Xalqaro kosmik stansiya (XKS) ekipaji stansiyadagi birinchi yoriqni germetik plomba bilan yopgan.
Izoh (0)