Мисрда йўловчи поезди рельсдан чиқиб кетди, 11 киши ҳалок бўлиб, 100 га яқин одам жароҳатланди (фото ва видео)

Миср пойтахти Қоҳира шимолидаги Қалюбия вилоятида йўловчи поезд рельсдан чиқиб кетиши оқибатда 11 киши ҳалок бўлди. Бу ҳақда Associated Press’га таяниб, «Интерфакс» хабар берди.

Темир йўл маъмурияти баёнотига кўра, Қалюбия вилоятининг Бенха шаҳрида поезднинг тўртта вагони рельсдан чиқиб кетган. Хабарда айтилишича, поезд йўналиши Миср пойтахтидан Нил делтасидаги Мансур шаҳрига бўлган. Ижтимоий тармоқларда ағдарилган вагонлар ва темир йўл бўйлаб қочаётган йўловчиларнинг фото ва видеороликлар тарқалган.

Соғлиқни сақлаш вазирлиги ҳалок бўлганлардан ташқари камида 98 киши жароҳат олгани, уларнинг аксарияти суяк синиши, тери шикастланиши билан касалхонага ётқизилгани ҳақида хабар берган. Бенха университети касалхонасида одамлар темир йўл ҳалокати қурбонларига қон топшириш учун навбатда турган.

Миср транспорт вазири Камол ал-Вазир воқеа жойига жўнаб кетган. Темир йўллар бошқармаси бошлиғи Ашраф Асланнинг сўзларига кўра, ҳодиса сабабига ойдинлик киритиш учун фавқулодда техник комиссия тузилган.

Ahram Daily давлат газетасининг хабар беришича, маъмурлар авиаҳалокат бўйича тергов олдидан камида 10 нафар темир йўл ходимларини, шу жумладан поезд ҳайдовчиси ва унинг ёрдамчисини ҳибсга олган.

🟥Video: Massive tow truck pulls the derailed train in Toukh.

◾️ 11 killed, 98 injured in Toukh train derailment

Details at https://t.co/DOdFAhWrPl#EgyptToday #Egypt | #القيلوبية #قطار_طوخ #المنصورة pic.twitter.com/5HQraPx4mG

— Egypt Today Magazine (@EgyptTodayMag) April 18, 2021

26 март куни Миср жанубидаги Сохаг ҳудудида иккита йўловчи поездининг ўзаро тўқнашиши оқибатида камида 32 нафар одам ҳалок бўлиб, яна 91 киши турли даражадаги тан жароҳатлари олган эди.  Поездларнинг у қадар катта тезликда ҳаракатланмагани бири бошқасининг ортидан юргани маълум қилинган. Тўқнашувдан кейин иккита вагонга жиддий талафот етган, уларнинг бири ағдарилиб қолган.