Futbol bo‘yicha Angliya Premyer Ligasining 32-turida “Arsenal” 18-aprel, yakshanba kuni “Fulhem”ni qabul qildi.
Londonda o‘tgan bahsning birinchi bo‘limida darvozalar daxlsiz qoldi. Ikkinchi 45 daqiqalikda esa jamoalar bittadan gol urishga erishdi. Dastlab Jo Maja 59-daqiqada mehmonlarni hisobda oldinga olib chiqqan bo‘lsa, Edvard Nketia qo‘shib berilgan daqiqalarda o‘z hisobiga gol yozdirib qo‘yib, muvozanatni tikladi. Shu tariqa “to‘pchilar” o‘z maydonida kechgan bahsning so‘ngida mag‘lubiyatda qutulib qoldi.
Ushbu durangdan keyin ochkolari soni 46 taga yetgan “Arsenal” 9-o‘rinda bormoqda. Hisobida 27 ochko bo‘lgan “Fulhem” 18-o‘rinni band etgan.
APL
32-tur bahsi
18-aprel, yakshanba
“Arsenal” — “Fulhem” 1:1
Gollar: 0:1 – 59, penalti Maja, 1:1 – 90+7 Nketia.“Arsenal”: Rayan, Belyerin (Pepe, 68), Gabriel, Holding, Jaka, en-Nenni (Parti, 68), Sebalyos, Smit-Rou, Saka, Martinelli, Lyakazett (Nketia, 70).
“Fulhem”: Areolya, Andersen, Robinson, Adarabioyo, Ayna, Dekordova-Rid, Zambo-Angissa, Lukman (Rid, 69), Lemina, Kavaleyru (Brayen, 84), Maja (Loftus-Chik, 77).
Ogohlantirishlar: Andersen (50), Dekordova-Rid (61), Areolya (89).
Izoh (0)