Futbol bo‘yicha Italiya A Seriyasining 31-turidan o‘rin olgan bir qator uchrashuvlar 18-aprel, yakshanba kuni bo‘lib o‘tdi.
“Yuventus” safarda “Atalanta”ga qarshi bahs yuritdi. Uchrashuvning 87-daqiqada bergamoliklar o‘yin taqdirini hal qilgan golni urdi: Ruslan Malinovskining zarbasidan keyin to‘p “Yuventus” futbolchisiga tegib, darvozadan joy oldi.
“Atalanta” ushbu g‘alabadan keyin ochkolarini 64 taga yetkazib olgan holda 3-o‘ringa ko‘tarildi. “Yuventus” (62) esa 4-pog‘onaga tushib ketdi.
Yana bir o‘yin “Latsio” va “Benevento” jamoalari o‘rtasida kechdi. Gollarga boy bo‘lgan bahsda rimliklar ishonchli g‘alabani qo‘lga kiritdi.
A Seriya
31-tur bahslari
18-aprel, yakshanba
“Atalanta” — “Yuventus” 1:0
Gol: 1:0 – 87 Malinovskiy.“Atalanta”: Gollini, Gozens, Palomino, Gimshiti, Mele (Malinovskiy, 72), de Ron, Froyler, Pessina (Pashalich, 46), Toloi, Muriel (Ilichich, 68), Sapata.
“Yuventus”: Shchensni, Aleks Sandro, Kyellini, de Ligt, Bentankur, Kuadrado, Makkenni (Artur, 77), Rabo, Kyeza (Danilo, 58), Morata, Dibala (Kulusevski, 68).
Ogohlantirishlar: Bonuchchi (74), Gozens (78), Malinovskiy (79), Gimshiti (82), Kuadrado (90).
“Latsio” — “Benevento” 5:3
Gollar: 1:0 – 10, avtogol Depaoli, 2:0 – 20 Immobile, 3:0 – 37, penalti Korrea, 3:1 – 45 Sau, 4:1 – 48, avtogol Montipo, 4:2 – 63, penalti Viola, 4:3 – 85 Glik, 5:3 – 90 Immobile.“Bolonya” — “Spetsiya” 4:1
Gollar: 1:0 – 12, penalti Orsolini, 2:0 – 18 Barrou, 2:1 – 34 Ismayli, 3:1 – 54 Svanberg, 4:1 – 60 Svanberg.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)