O‘zbekistonda o‘tgan bir sutka ichida qariyb 35 ming kishi koronavirusga qarshi emlandi
Toshkent va Nukus shaharlari hamda viloyat markazlarida 15-aprel kuni koronavirus infeksiyasiga qarshi yana 34 756 kishi emlandi, deb xabar bermoqda Sog‘liqni saqlash vazirligi matbuot xizmati.
Foto: SSV matbuot xizmati
O‘zbekistonda shu kungacha koronavirus infeksiyasiga qarshi emlangan fuqarolar soni 335 610 nafarga yetdi.
15-aprel kunidagi emlash ko‘rsatkichlari bo‘yicha yuqori o‘rinlarni
Namangan viloyati (5 004 nafar),
Samarqand viloyati (4 596 nafar),
Qashqadaryo viloyati (4 148 nafar) band qildi.
Ta’kidlanishicha, hozirga qadar jami emlanganlar soni bo‘yicha rekord ko‘rsatkich esa Farg‘ona viloyatida (50 898 nafar) qayd etilgan. Andijon viloyatida COVID-19 ga qarshi emlanganlar 39 ming kishidan oshgan bo‘lsa, Namanganda ularning soni 38 mingga yaqinlashgan.
Eslatib o‘tamiz, aholini koronavirusga qarshi emlash tadbirlari 1-apreldan viloyatlar markazlari va katta shaharlardan boshlandi. May oyida emlash tadbirlari tuman markazlari va kichik shaharlarda amalga oshiriladi. Iyun oyida esa boshqa aholi qatlami emlanadi.
Izoh (0)