Bugun,

  • USD 11095.31
  • RUB 173.84
  • EUR 10772.44

Murad Buildings asoschisi Murod Nazarov Alter Ego loyihasi doirasida bloger Kirill Altmanga Toshkentdagi yer uchastkalari narxi haqida gapirdi, deb yozmoqda Spot.

Foto: Videodan skrin

Foto: Videodan skrin

Uning so‘zlariga ko‘ra, shaharda qurilish olib borish foydasiz bo‘lib bormoqda — yerlar juda qimmat, chunki so‘nggi yillarda narxlar 2 baravardan 10 baravargacha ko‘tarildi.

“Toshkent markazida bir sotix yer to‘rt yil oldin 20—25 ming dollarni tashkil qilardi, hozir esa 100 ming dollardan boshlab 150 ming dollargacha ham boradi”, — degan Murod Nazarov.

U Cambridge Residence joylashgan yerni misol qilib keltirdi. Kompaniya uni har sotixini 3 ming dollardan sotib olgan, hozir esa u yerda narxlar 30—40 ming dollarni tashkil etmoqda. Shu sababli quruvchi kompaniyalar shahar kengayishi va yo‘ldosh shaharchalar paydo bo‘lishi ortidan asta-sekin chekka joylarga chiqmoqda.

“Yer qimmat bo‘lsa, undagi ko‘chmas mulk ham qimmatlashadi, uni sotishda ham qiyinchilik tug‘iladi”, — deb tushuntirgan Murod Nazarov.

Murad Buildings asoschisi, shuningdek, developerlikda narxlar 5—6 baravar oshirib qo‘yilishini afsona deb atab, 10 foiz rentabellik yaxshi natija sifatida qaralishini ta’kidladi.

“Kompaniya hatto hech qanday soliq to‘lamasa va hamma narsani naqd pulga qilsa ham, unda sof foydaning 30 foizi qoladi, ammo bu qisqa muddatli va kichik miqyosda. Yirik loyihalarda va uzoq muddatga bu ish bermaydi”, — degan tadbirkor.

Shuningdek, Murod Nazarov o‘z boyligini 50 million dollargacha baholashi haqida ma’lum qildi.

Izoh
Asosiy yangiliklar
Mahalliy
Samarqandda bedarak yo‘qolgan bola bir yildan so‘ng topildi 
Mahalliy
O‘zbekistonda Sanoat siyosati tadqiqotlari markazi tashkil etiladi
Biznes
O‘zbekistonda pomidor narxi rekordlarni yangilashda davom etmoqda