«Манчестер Сити» Европа Чемпионлар Лигаси чорак финал жавоб баҳси доирасида «Боруссия Д»га қарши кечган 14 апрель кунги ўйинда ғалаба қозонди (2:1).
Учрашувда «шаҳарликлар»нинг ғалаба тўпига Фил Фоден муаллифлик қилди. Бу 20 ёшли футболчи учун Чемпионлар Лигасидаги олтинчи гол бўлди. Шу тариқа Филип 21 ёшгача бўлган англиялик футболчилар орасида рекорд натижани қайд этди.
Бунгача энг яхши натижа Алан Смит («Лидс») ва Жейдон Санчога («Боруссия Д») тегишли эди — улар 21 ёшга қадар мусобақада 5 мартадан тўп киритган.
Шунингдек, Фоден 21 ёшгача бўлган футболчилар орасида Чемпионлар Лигаси чорак финалининг иккала ўйинида ҳам гол урган тарихдаги иккинчи ўйинчи бўлди. Бундан аввал бу натижага ПСЖ ҳужумчиси Килиан Мбаппе эришганди.
«Манчестер Сити» ярим финалда ПСЖга қарши баҳс олиб боради.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)