O‘zbekiston tashqi ishlar vaziri Abdulaziz Komilov 2021-yilning 12-aprel kuni Rossiyaning favqulodda va muxtor elchisi etib tayinlangan Oleg Malginovni qabul qildi.
Ishonch yorliqlari nusxasini qabul qilar ekan, vazir elchini O‘zbekistondagi faoliyati boshlanishi bilan tabrikladi hamda unga yuksak va mas’uliyatli lavozimda muvaffaqiyatlar tiladi.
Uchrashuv davomida tomonlar O‘zbekiston–Rossiya strategik sheriklik munosabatlarining hozirgi holati va rivojlanish istiqbollari, shuningdek, xalqaro tashkilotlar doirasidagi hamkorlik masalalarini muhokama qildilar.
Oliy va yuqori darajada bo‘lajak tadbirlar jadvali va kun tartibi ko‘rib chiqildi.
Muzokaralarda mintaqaviy va xalqaro masalalar bo‘yicha ham fikr almashildi.
Bundan avval Abdulaziz Komilov Dohada “Tolibon” harakatining siyosiy vakolatxonasi rahbari hamda Eron tashqi ishlar vaziri bilan uchrashgani haqida xabar berilgandi.
Izoh (0)