O‘zbekistonga Kuvayt–Toshkent–Kuvayt yo‘nalishida muntazam parvozlarni amalga oshirish uchun Jazeera Airways aviakompaniyasi ruxsatnoma oldi, deya xabar bermoqda Transport vazirligi.
O‘zbekiston hukumati va Kuvayt davlati o‘rtasida havo qatnovi to‘g‘risidagi bitim asosida “O‘zaviatsiya” agentligi tomonidan 2021-yil 12-aprel kuni Jazeera Airways aviakompaniyasiga Kuvayt–Toshkent–Kuvayt yo‘nalishida muntazam aviaqatnovlarni amalga oshirish uchun 8-k sonli ekspluatatsion ruxsatnoma berildi.
Aviakompaniya parvozlarni A320-214 va A320-251N havo kemalarida amalga oshirishini ma’lum qildi.
Bundan avval Ukraina aviakompaniyasi Toshkent va Kiyev o‘rtasida reyslarni tiklashni rejalashtirayotgani, Uzbekistan Airways Toshkent va Nyu-York o‘rtasida muntazam aviaqatnovlarni yo‘lga qo‘ygani hamda Uzbekistan Airways Toshkentdan Moskvaga muntazam aviaqatnovlar tiklanganini ma’lum qilgani haqida xabar berilgandi.
Izoh (0)