IIV YHXBB Namanganda yo‘lni piyodalar o‘tish joyidan kesib o‘tayotgan maktab o‘quvchilarini urib ketishiga bir baxya qolgan Lacetti haydovchisiga jarima belgilanganini ma’lum qildi.
6-aprel kuni ijtimoiy tarmoqlarda Lacetti haydovchisining Namangan shahri ko‘chalarining birida harakatlanib ketayotib, svetoforning taqiqlovchi qizil chirog‘iga e’tibor bermasdan maktab bolalarini urib yuborishiga oz qolgani aks etgan videolavha tarqaldi.
Ta’kidlanishicha, vaziyat boshqa yo‘l harakati ishtirokchisi avtomobiliga o‘rnatilgan videoregistratorga tushib qolgan.
IIV YHXBB matbuot xizmatining ma’lum qilishicha, qoidabuzar Lacetti haydovchisiga nisbatan BHMning 10 baravari miqdorida (2 million 450 ming so‘m) jarima jazosi belgilangan.
Avvalroq Qarshida ikki nafar piyodani urib yuborib, voqea joyidan ketib qolgan Сobalt haydovchisi 15 sutkaga qamalgani, Navoiyda yo‘lni kesib o‘tayotgan mast piyodani Damas urib ketishi oqibatida abrlanuvchi voqea joyida halok bo‘lgani to‘g‘risida xabar berilgandi.
Izoh (0)