ИИВ ЙҲХББ Наманганда йўлни пиёдалар ўтиш жойидан кесиб ўтаётган мактаб ўқувчиларини уриб кетишига бир бахя қолган Lacetti ҳайдовчисига жарима белгиланганини маълум қилди.
6 апрель куни ижтимоий тармоқларда Lacetti ҳайдовчисининг Наманган шаҳри кўчаларининг бирида ҳаракатланиб кетаётиб, светофорнинг тақиқловчи қизил чироғига эътибор бермасдан мактаб болаларини уриб юборишига оз қолгани акс этган видеолавҳа тарқалди.
Таъкидланишича, вазият бошқа йўл ҳаракати иштирокчиси автомобилига ўрнатилган видеорегистраторга тушиб қолган.
ИИВ ЙҲХББ матбуот хизматининг маълум қилишича, қоидабузар Lacetti ҳайдовчисига нисбатан БҲМнинг 10 баравари миқдорида (2 миллион 450 минг сўм) жарима жазоси белгиланган.
Аввалроқ Қаршида икки нафар пиёдани уриб юбориб, воқеа жойидан кетиб қолган Сobalt ҳайдовчиси 15 суткага қамалгани, Навоийда йўлни кесиб ўтаётган маст пиёдани Damas уриб кетиши оқибатида абрланувчи воқеа жойида ҳалок бўлгани тўғрисида хабар берилганди.
Изоҳ (0)