“Ukraina xalqaro avialiniyalari” (MAU) kompaniyasi 8-apreldan boshlab Toshkent va Kiyev o‘rtasida reyslarni tiklashni rejalashtirmoqda. Bu haqda aviakompaniya matbuot xizmati xabar berdi.
Ma’lum qilinishicha, Kiyevdan parvozlar har payshanba kuni, Toshkentdan esa har juma kuni amalga oshiriladi.
Eslatib o‘tamiz, 2015-yilda Toshkentda Ukrainaning MAU aviakompaniyasi vakolatxonasi ochilgandi. 2020-yilda MAU xodimlari sonining qisqarishi sababli bir necha davlatlardagi vakolatxonalari qatorida aviakompaniya O‘zbekistondagi vakolatxonasini ham yopgandi.
Avvalroq Rossiya 1-apreldan O‘zbekiston bilan muntazam aviaqatnovlarni tiklashi to‘g‘risida xabar berilgandi. Rossiyaning O‘zbekistondagi elchixonasi konsullik bo‘limi birinchi bosqichda faqat bitta — haftasiga bir marta Moskva—Toshkent yo‘nalishi amalga oshirilishini ma’lum qilgandi.
Izoh (0)