Farg‘ona viloyatining Farg‘ona shahrida ko‘p qavatli uylarning birida yashovchi fuqaroning yashash xonadoni eshigi bexosdan qulflanib qolishi oqibatida ichkarida yolg‘iz qolgan yosh bola qutqarildi. Bu haqda “Daryo”ga viloyat Favqulodda vaziyatlar boshqarmasi axborot xizmati xabar berdi.
Ma’lum bo‘lishicha, 2021-yilning 5-aprel kuni Farg‘ona shahar Said Ahmad ko‘chasi 7-uy 26-xonadonda yashovchi fuqaro S.Eshonqulova yashash xonadonining kirish eshigi qulflanib qolib, to‘rt yoshli farzandi ichkarida yolg‘iz qolgani haqida 1050 qisqa raqami orqali murojaat qilib, yordam so‘ragan.
Murojaat yuzasidan aytilgan manzilga yetib borgan Favqulodda vaziyatlar boshqarmasi Maxsus vazifalarni bajaruvchi mintaqaviy qutqaruv otryadi xodimlari maxsus moslamalar yordamida xonadonning temir eshigini ochib, fuqaroga amaliy yordam ko‘rsatgan. Uy ichida qolgan to‘rt yoshli bola sog‘-salomat onasining qo‘liga topshirilgan.
Mavzuga doir:
- Qarshi shahrida eshik qulflanib qolishi oqibatida uyda qolib ketgan ikki nafar bola qutqaruvchilar yordamida olib chiqildi
- Nukusda taqiqlangan joyda cho‘milib, suvda cho‘kayotgan bola qutqarildi. Bola bilan birga cho‘milgan mast erkak oqib ketdi
- Toshkentda kanalizatsiya uchun qazilgan 5 metrli chuqurga yiqilgan fuqaro qutqarildi
Izoh (0)