Bugun,

  • USD 11014.01
  • RUB 191.8
  • EUR 10674.78

Mart oxirlarida Rossiya 1-apreldan O‘zbekiston bilan muntazam aviaqatnovlarni tiklashi to‘g‘risida xabar berilgandi. Rossiyaning O‘zbekistondagi elchixonasi Konsullik bo‘limining ma’lum qilishicha, birinchi bosqichda faqat bitta yo‘nalish amalga oshiriladi — haftasiga bir marta Moskva—Toshkent.

Foto: “Daryo” / Madina Nurman

Foto: “Daryo” / Madina Nurman

Ta’kidlanishicha, barcha o‘zbekistonliklar faqat mazkur reysdan foydalanishi mumkin.

Hozirda amalga oshirilayotgan boshqa reyslar charter hisoblanadi — Rossiya hududiga kirish uchun biror asos ko‘rsatilishi majburiy etib belgilangan (masalan, o‘qish).

Spot’ning qayd etishicha, 5-aprel holatiga ko‘ra, O‘zbekiston va Rossiya aviatsiya mas’ullari tashuvchilar haqida kelishib olmagan, shu sababli hozircha muntazam reyslar yo‘q.

Masalan, Tojikiston va Rossiya aviatsiya rahbariyati bu borada o‘zaro kelishib olgan va 4-aprelda Somon Air aviakompaniyasi Dushanbe—Moskva yo‘nalishi bo‘yicha birinchi parvozni amalga oshirdi. Rossiya tomonidan UTair parvoz qiladi.

Eslatib o‘tamiz, 2021-yilning 20-martida 25 ta mamlakatdan keladigan talabalarning Rossiyaga kirishiga ruxsat berildi, biroq ular orasida O‘zbekiston o‘rin olmadi. O‘zbekistonning Rossiyadagi elchixonasi matbuot xizmati talabalari Rossiyaga kirishga ruxsat etiluvchi davlatlarning ro‘yxati “Rospotrebnadzor” tomonidan muntazam ravishda yangilanib turishini ma’lum qilgandi. 4-aprel kuni esa o‘zbekistonlik talabalarga Rossiyaga kirishga ruxsat berilgani e’lon qilindi.

Izoh
Asosiy yangiliklar
Mahalliy
Qurilish vazirligi ogohlantiradi: yangi uy xarid qilayotganda e’tibor berilishi lozim bo‘lgan jihatlar
Mahalliy
“Ba’zida o‘zim ham noto‘g‘ri parkovka qilaman” — Rasul Kusherbayev
Mahalliy
Toshkent shahri bosh rejasining bir qismi 2022-yil oxirigacha yakunlanadi