Toshkent va Nukus shaharlari hamda viloyat markazlaridan shu kungacha koronavirus infeksiyasiga qarshi emlangan fuqarolar soni 35 386 nafarga yetdi, deb xabar bermoqda Sog‘liqni saqlash vazirligi matbuot xizmati.
5-aprel kunidagi emlash ko‘rsatkichlari bo‘yicha yuqori o‘rinlarni
- Samarqand viloyati (1783 nafar),
- Toshkent shahri (1691 nafar),
- Toshkent viloyati (1321 nafar),
- Namangan viloyati (1171 nafar),
- Andijon viloyati (1128 nafar) band qildi.
Ular AstraZeneca va O‘zbekiston—Xitoy hamkorligida ishlab chiqilgan ZF-UZ-VAC 2001 vaksinasi bilan emlanmoqda. Bunda emlanuvchi birinchi emlanishni qaysi vaksina bilan boshlasa, ikkinchisini ham aynan o‘sha vaksina bilan yakunlaydi.
Izoh (0)