AQSh sobiq prezidenti Donald Tramp amerikaliklarni Jorjiya shtatidagi yangi saylov qonunchiligiga qarshi chiqqan kompaniyalarni boykot qilishga chaqirdi. Bu haqda Fox News telekanaliga tayanib “RBK” xabar berdi.
MLB yangi saylov qonunchiligi tufayli Atlantadagi Braves beysbol jamoasining o‘z maydonidagi o‘yinini boshqa joyga ko‘chirdi, deb xabar berdi The Fox telekanal.
Trampning fikriga ko‘ra, MLB “radikal so‘l demokratlardan qo‘rqqan”, chunki qonun tufayli partiya ligaga o‘zining iyul oyidagi o‘yinini ko‘chirishini aytib, bosim o‘tkazgan. Sobiq prezidentning qo‘shimcha qilishicha, “beysbol ko‘psonli ishqibozlarini yo‘qotmoqda”.
Jorjiyada pochta orqali ovoz berish uchun saylovchilarning shaxsiy guvohnomasini taqdim etishni talab etuvchi yangi saylov qonuni qabul qilindi.
AQSh prezidenti Jo Bayden shtatning yangi saylov qonunchiligini qoraladi.
Avvalroq Jo Bayden ma’muriyati AQShning sobiq prezidenti Donald Tramp tomonidan kiritilgan Xalqaro jinoiy sudga (XJS) nisbatan sanksiyalar va viza cheklovlarini bekor qilgani haqida xabar berildi. Shuningdek, u mamlakatni modernizatsiyalash rejasini e’lon qildi. Unga ko‘ra, Amerika infratuzilmasini modernizatsiyalash so‘nggi o‘n yilliklardagi eng katta loyiha bo‘ladi. Bayden shu orqali AQShning doimiy global yetakchiligini saqlab qolishni rejalashtirmoqda.
Izoh (0)