Toshkentda Lacetti va Spark ishtirokida YTH sodir bo‘ldi, deya xabar qilmoqda YHXBB.
Ma’lum qilinishicha, 2021-yilning 2-aprel kuni soat 18:00 larda Toshkent shahar Yunusobod tumani Buyuk Turon va Zarafshon ko‘chalari kesishgan chorrahada Lacetti hamda Spark ishtirokida to‘qnashuv sodir bo‘lgan.
Zarba oqibatida Spark avtomobili ag‘darilgan va ushbu avtomobil haydovchisi birinchi tez tibbiy yordam ko‘rsatish maqsadida shifoxonaga olib ketilgan.
Mazkur YTH yuzasidan Toshkent shahar IIBB YHXB mas’ul xodimlari tomonidan surishtiruv harakatlari olib borilib, to‘qnashuv yuzaga kelish sabablariga oydinlik kiritilmoqda.
Bundan avval Samarqandda qarama-qarshi yo‘nalishga chiqib ketgan Spark piyodani urib yuborgani, Toshkentda yo‘lning notekisligi sabab ikki Matiz to‘qnashib ketishi oqibatida mashinalardan biri ag‘darilgani hamda Sirdaryoda “Kamaz” va Mercedes yuk mashinalari to‘qnashib ketgani haqida xabar berilgandi.
Izoh (0)