Фарғона халқаро аэропортидан Туркиянинг Истанбул шаҳрига илк парвоз 2021 йилнинг 31 март куни амалга оширилди, дея хабар берди «Дарё» мухбири Азизжон Эрматов.
Маълум қилинишича, илк парвоз «Ўзбекистон ҳаво йўллари» (Uzbekistan Airways) авиакомпанияси томонидан Airbus A320 Neo’да амалга оширилган.
Қайд этилишича, шу куни соат 08:50 да 132 нафар йўловчи Истанбулга йўл олган. 5 соат 40 дақиқа давом этган парвоз якунида самолёт Истанбул халқаро аэропортига муваффақиятли қўнган.
Ушбу парвозни амалга оширган самолёт 31 март куни Туркия вақти билан 14:00 да Истанбулдан Фарғонага HY278 рақамли рейс билан қайтган ва соат 20:50 да Фарғона халқаро аэропортига қайтиб келган.
Фарғона—Истанбул—Фарғона йўналишидаги қатновлар 2021 йилнинг 3 апрель кунидан ҳафтасига икки маротаба, чоршанба ва шанба кунлари қуйидаги тартибда амалга оширилади:
- Фарғона–Истанбул учиш вақти 08:50, қўниш – 12:30;
- Истанбул–Фарғона учиш вақти 14:00, қўниш – 20:50.
Изоҳ (0)