AQShdagi GMW Auctions auksionida rok-n-roll qiroli Elvis Preslining elektrogitarasi sotildi. Bu haqda auksion uyiga tayanib, “Korrespondent.net” xabar berdi
Sadaflar bilan bezatilgan noyob gitara El Keysi tomonidan imzolangan original g‘ilofida rekord darajadagi qiymatda — yarim million dollarga sotilgan.
Musiqiy anjom 1968-yilning 3-dekabrida o‘tkazilgan va NBC telekanali orqali to‘g‘ridan to‘g‘ri translyatsiya qilingan “Qaytish-68” nomli konsertda mashhurlikka erishgan. O‘shanda barcha tomoshabinlar rok-n-roll qiroli hamkasbi El Keysidan olib turgan yorqin qizil rangli Hagstrom Viking II elektrogitarasi yodida qolgan. Gitara qora obrazdagi Elvis fonida chiroyli ko‘ringan.
Shundan keyin El gitarani xususiy kolleksionerga sotib yuborgan va 52 yil davomida u haqda biror ma’lumot bo‘lmagan. Vaqti-vaqti bilan u Elvisning musiqiy albomi muqovasida paydo bo‘lib turgan.
Avvalroq Elvis Presliga tegishli bo‘lgan Mercedes auksionga qo‘yilgani, mashinaga qo‘shiqchining plastinkalari ham qo‘shib berilayotgani to‘g‘risida xabar berilgandi.
Izoh (0)