Yaqinda Beyonsening rasmiy YouTube kanalida uning muxlislaridan biriga bag‘ishlangan video paydo bo‘ldi. Uning muxlisasi 13 yashar Lirik Shanel ikki yil davomida miya saratoni bilan kurashib, 2021-yilning 5-mart kuni dunyodan ko‘z yumdi.
Xonanda Lirikning xotirasi sharafi uchun o‘zining eng sevimli uchta qo‘shig‘i – “Brown Skin Girl”, “Halo”, “Love on Top”ni kuyladi va marhumaning surati hamda roliklarini video ketma-ketlik sifatida ishlatdi.
Beyonsening Lirik Shanelga bag‘ishlangan qo‘shig‘i
So‘nggi qo‘shiq Lirikning hayotida alohida o‘ringa ega edi. 2021-yilning sentabr oyida u sevimli xonandasining mashhur taronasini kuylagan edi. Shundan so‘ng Beyonse unga guldasta yuborgan va “Taronam senga ilhom bag‘ishlagani meni juda ta’sirlantirdi. Sen meni o‘zingdan kam ilhomlantirganing yo‘q. Sen bilan tezroq uchrashishni intizorlik bilan kutyapman. Sen haqiqiy qahramonsan!” – deb yozgan.
https://www.instagram.com/p/CFnpBTfjKh9/
Shuningdek, Beyonse boshqa birovning muammosiga befarq emasligini birinchi marta ko‘rsatayotgani yo‘q. 2013-yilda u saraton kasalligiga chalingan boshqa bir muxlisining orzusini amalga oshirgan: konsert dasturida birga qo‘shiq kuylagan edi. 2017-yilda esa “Face Time” orqali saraton markazidagi bemor – Eboni Benksga qo‘ng‘iroq qilib, uni dahshatli kasallikka qarshi kurashda qo‘llab-quvvatlagan.
Izoh (0)