Navoiyda yo‘lni belgilanmagan joydan kesib o‘tayotgan mast piyoda Damas urib ketishi oqibatida halok bo‘ldi. Bu haqda YHXBB matbuot xizmati xabar berdi.
Voqea 28-mart kuni, taxminan, soat 22:00 da shaharning “Yoshlik” MFY hududidan o‘tgan yo‘lda sodir bo‘lgan. Xatirchi tumanidan bo‘lgan 50 yoshli mast piyoda Damas urib ketishi oqibatida og‘ir tan jarohati olib, voqea joyida halok bo‘lgan.
Xabarda Damas’ning avtohalokat sodir etilganidan keyingi holati haydochining ob-havo sharoitini inobatga olmay, tezligini me’yordan oshirib harakatlanib kelganidan darak berib turgani ta’kidlangan.
Hozirda holat yuzasidan Navoiy shahri IIB tergov bo‘limi tomonidan tergov harakatlari olib borilmoqda.
Avvalroq Namanganda Isuzu yuk mashinasi piyodani urib yuborgani, jabrlanuvchi shifoxonada vafot etgani haqida xabar berilgan edi. Shuningdek, Qashqadaryoda to‘y kuni kuyovning otasi va ikki qarindoshi hamda kelinning xolasi YTHga uchrab, halok bo‘lgani, Toshkentda 60 yoshli ayol yuk mashinasi urib ketishi oqibatida halok bo‘lgani haqida ma’lum qilingandi.
Izoh (0)