“Bavariya” hujumchisi Robert Levandovski to‘rt haftaga safdan chiqdi. Bu haqda Myunxen klubi matbuot xizmati xabar bermoqda.
Qayd etilishicha, o‘tkazilgan tibbiy ko‘rik vaqtida Levandovskiga o‘ng tizza pay cho‘zilishi tashxisi qo‘yilgan. Shu tariqa polshalik futbolchi 7 va 13-aprel kunlariga belgilangan PSJga qarshi Chempionlar Ligasi chorak finalining har ikkala uchrashuvini o‘tkazib yuboradi.
Eslatib o‘tamiz, Levandovski Jahon Chempionati—2022 saralash bosqichi 2-turi doirasida o‘tkazilgan Andorraga qarshi o‘yinda (3:0) jarohat olgandi. Keyinchalik uning Angliya terma jamoasi bilan uchrashuvni o‘tkazib yuborishi ma’lum qilingandi.
Levandovski Germaniya chempionatining 2021-yilgi mavsumida 25 o‘yin o‘tkazib, 35 ta gol urdi va 6 ta golga hammualliflik qildi.
Izoh (0)