Futbol bo‘yicha JCh—2022 saralashining ikkinchi bosqichi 7-turi doirasida F guruhi vakillari Yaponiya hamda Mo‘g‘uliston terma jamoalari 30-mart, seshanba kuni o‘zaro bellashdi.
Uchrashuvda yaponiyaliklar mo‘g‘ullar darvozasiga javobsiz naq 14 ta gol urib g‘alabaga erishdi. Uchrashuvdagi gollarga Takumi Minamino, Yuya Osako (3 ta), Daiti Kamada, Hidemasa Morito, Xash Erdene Tuya (avtogol), Sho Inagaki (2 ta), Junya Ito ( 2 ta), Kyogo Furuhashi (2 ta), Takumi Asano mualliflik qilishdi.
Mazkur g‘alabadan so‘ng Yaponiya terma jamoasi o‘z ochkolari sonini 15 taga yetkazib, guruhda yakka peshqadam bo‘lib turibdi. Mo‘g‘ulistonda esa hisobidagi 3 ochko bilan guruhda so‘nggi o‘rinni band etgan.
Qayd etish joiz, koronavirus pandemiyasi sabab mazkur guruhda saralash bahslari markazlashgan holatda Yaponiyaning Tibo shahrida o‘tkazilmoqda.
Ma’lumot uchun, 1998-yilgi Osiyo o‘yinlarida O‘zbekiston milliy terma jamoasi Mo‘g‘uliston termasini 15:0 hisobida mag‘lub etgan.
JCh—2022 saralashiF guruhi7-tur bahsi
Mo‘g‘uliston—Yaponiya 0:14
Gollar: 0:1 — 13 Minamino, 0:2 — 23 Osaka, 0:3 — 26 Daiti Kamada, 0:4 — 33 Hidemasa Morita, 0:5 — 39 (avtogol) Xash Erdene Tuya, 0:6 — 55 Osako, 0:7 — 68 Inagaki, 0:8 — 73 Ito, 0:9 — 78 Furuhasi, 0:10 — 79 Ito, 0:11 — 86 Furuhasi, 0:12 — 90+1 Asano, 0:13 — 90+2 Osako, 0:14 — 90+3 Inagaki.
Izoh (0)