Paxtachida sel “yap-yangi qurilgan” ko‘prikni buzib yubordi. Tumandagi bir qator yo‘llar “tabiiy ofatdan zarar ko‘rgani” uchun yopilgan

Samarqand viloyatida 28-mart, yakshanba kuni kuzatilgan kuchli yog‘ingarchilik oqibatida Paxtachi tumanidagi 4K-560 “Boltali—Bog‘oloni—Ziyovuddin” yo‘lining 12—13-kilometrlari oralig‘idagi zovur ko‘prigi katta talofat ko‘rdi. Bu haqda tuman Yo‘llardan foydalanish unitar korxonasi ma’lum qildi.

“Shu sababli ushbu ko‘prikdan avtomobillar, hamda piyodalarning ham o‘tishi taqiqlanadi”, — deyiladi korxona axborotida. Telegram’dagi @uzb_meteo kanalining qayd etishicha, ko‘prik sel kelishi oqibatida jiddiy zarar ko‘rgan (avvalroq Paxtachi tumaniga katta sel kelgani haqida xabar berilgan edi).

Bundan tashqari, Paxtachi tumanidagi

• 4R-185 “M-37 yo‘lidan Qarnabota qishlog‘iga kirish”,
• 4N-533 “Xumor—Po‘latchi—Jag‘alboy”,
• 4R52 va 4K-561 “Quyiboq Paxta zavodi—Shag‘al zavodiga kirish”