Darhol voz kechish lozim: Anchadan beri urfdan qolgan 8 kiyim

Moda qaytadi, degan gapni hamma eshitgan bo‘lsa kerak. Ammo shunday narsalar borki, ular moda olami uchun allaqachon eskirgan bo‘lib, bunday kiyimlarni qayta kiymagan ma’qul.

Toshlar bilan bezatilgan uggi

Klassik uslubdagi uggilar nihoyat yana urfga kirdi. Ularni qahraton sovuqda xavfsiz holda kiyishingiz mumkin. Ammo bundan avvalgi vaqtlarda ishlab chiqarilgan bachkana modellar, tosh va munchoqlar bilan bezatilgan uggilarni allaqachon tashlab yuborish vaqti kelgan.

Burmali uzun yubka

Ushbu mavsumda midi yubkalar eng dolzarb hisoblanadi. Shu sababli polgacha tushib turuvchi yubkalarni kiymagan ma’qul.

Platforma + poshnali tufli

Moda mutaxassislari anchadan beri platforma va baland poshna birlashtirilgan tufli oyoqni “tuyoq”qa o‘xshatib qo‘yishi haqida aytib kelishsa-da, ammo ba’zilar o‘jarlik bilan bunday poyabzallarni sotib olishda davom etmoqda.

Katta sumka

Albatta, bunday sumkaga hamma narsani, hatto sevimli mushugingizni ham sig‘dira olasiz, lekin aslida sumkani keraksiz narsalar bilan to‘ldirgan bo‘lasiz. Kichkina sumka esa qulayligi bilan birga, sizni keraksiz narsalarni ko‘tarib yurishdan xalos etadi.

Gulli ro‘mollar

Har yili stilistlar qizlarga “buvisining ro‘moli”ni kiymasliklarini maslahat beradi. Zamonaviy va katta sharflar chiroyli ko‘rinishga ega bo‘lib, bunday ro‘mollarga qaraganda yaxshi isitadi.

Mo‘ynali kurtkalar

Bunday kurtka nimaga kerak: kuzda issiq, qishda esa qo‘llar ochiq qoladi. Undan ko‘ra chiroyli, zamonaviy va eng muhimi, chindan ham issiq tutuvchi kurtka olgan ma’qul.

Rasmli kolgotkalar

Bunday kolgotkalar ehtimol 10 yoshli o‘quvchi qizlarga yarashishi mumkindir, ammo 30 yoshli qiz kiyib olgan mushuk va boshqa rasmli kolgotka nafaqat g‘alati, balki ochiqchasiga bachkana ko‘rinadi.

Osilgan panjali shapkalar

Bunday shapkalar sun’iy mo‘ynadan tayyorlangan bo‘lsa ham, zamonaviy qiz obrazini emas, balki yoqimsiz g‘or odami ko‘rinishini yaratadi.