Дарҳол воз кечиш лозим: Анчадан бери урфдан қолган 8 кийим

Мода қайтади, деган гапни ҳамма эшитган бўлса керак. Аммо шундай нарсалар борки, улар мода олами учун аллақачон эскирган бўлиб, бундай кийимларни қайта киймаган маъқул.

Тошлар билан безатилган угги

Классик услубдаги уггилар ниҳоят яна урфга кирди. Уларни қаҳратон совуқда хавфсиз ҳолда кийишингиз мумкин. Аммо бундан аввалги вақтларда ишлаб чиқарилган бачкана моделлар, тош ва мунчоқлар билан безатилган уггиларни аллақачон ташлаб юбориш вақти келган.

Бурмали узун юбка

Ушбу мавсумда миди юбкалар энг долзарб ҳисобланади. Шу сабабли полгача тушиб турувчи юбкаларни киймаган маъқул.

Платформа + пошнали туфли

Мода мутахассислари анчадан бери платформа ва баланд пошна бирлаштирилган туфли оёқни «туёқ»қа ўхшатиб қўйиши ҳақида айтиб келишса-да, аммо баъзилар ўжарлик билан бундай пойабзалларни сотиб олишда давом этмоқда.

Катта сумка

Албатта, бундай сумкага ҳамма нарсани, ҳатто севимли мушугингизни ҳам сиғдира оласиз, лекин аслида сумкани кераксиз нарсалар билан тўлдирган бўласиз. Кичкина сумка эса қулайлиги билан бирга, сизни кераксиз нарсаларни кўтариб юришдан халос этади.

Гулли рўмоллар

Ҳар йили стилистлар қизларга «бувисининг рўмоли»ни киймасликларини маслаҳат беради. Замонавий ва катта шарфлар чиройли кўринишга эга бўлиб, бундай рўмолларга қараганда яхши иситади.

Мўйнали курткалар

Бундай куртка нимага керак: кузда иссиқ, қишда эса қўллар очиқ қолади. Ундан кўра чиройли, замонавий ва энг муҳими, чиндан ҳам иссиқ тутувчи куртка олган маъқул.

Расмли колготкалар

Бундай колготкалар эҳтимол 10 ёшли ўқувчи қизларга ярашиши мумкиндир, аммо 30 ёшли қиз кийиб олган мушук ва бошқа расмли колготка нафақат ғалати, балки очиқчасига бачкана кўринади.

Осилган панжали шапкалар

Бундай шапкалар сунъий мўйнадан тайёрланган бўлса ҳам, замонавий қиз образини эмас, балки ёқимсиз ғор одами кўринишини яратади.