Moda olami tinimsiz o‘zgarishda bo‘lib, u bilan hamnafas bo‘lishning o‘zi ham bir san’at. Ammo ba’zi tendensiyalar alohida ajralib turishga sabab bo‘ladi. Kecha urfda bo‘lsa ham bugun eskirganligi tufayli tashqi ko‘rinishga putur yetkazayotgan bo‘lishi mumkin.
Ingichka ko‘zoynaklar
Ingichka va kichik hajmdagi ko‘zoynaklar qanchalar tez urfga kirgan bo‘lsa, undan chiqishi ham shuncha oson bo‘ldi. Hozirda keng hajmdagi katta ko‘zoynaklardan foydalanish mumkin.
Bomber-kurtkalar
So‘nggi bir necha yil ichida bomber-kurtkalar deyarli hammaning garderobini to‘ldirgan edi. Ammo 2020—2021-yillarda to‘g‘ri bichimli yoki belbog‘li paltolar urfda.
Kalta jinsi shimlar
Klyosh kalta shimlar, asosan, bo‘yi baland qizlar uchun juda mos keladi. Boshqalarning esa bo‘yini aksincha yanada past hamda semiz qilib ko‘rsatishi mumkin. Shuning uchun ham dizaynerlar tekis va odatiy uzunlikdagi shimlar tanlashni tavsiya etadi.
Tasmali sumka yoki ryukzaklar
Vaqt o‘tishi bilan barcha narsa o‘zgarishi, shubhasiz. Hattoki urfga qaramay hamisha ichi kerakli buyumlarga to‘la bo‘lgan sumkalar ham. Hozirda keng hajmli, qopsimon, tutqichlari zanjirsimon sumkalar yordamida ajoyib obraz yaratish mumkin.
Plastik aksessuar va poyabzal
Bu kabi poyabzallar foydali bo‘lmagani bilan birga, obrazga ham putur yetkazadi. Shuning uchun noodatiylikni xush ko‘ruvchilar ehtiyotkorlik bilan kiyim tanlashi kerak.
Ortiqcha logotiplar
Mashhur brendlar, albatta, o‘zining maxsus logotipiga ega. Ammo har bir libosda ularni aks etishi ham bir qancha noqulayliklar keltirib chiqaradi. Libos tanlashda imkon qadar brendi yashirin va hech qanday ishlab chiqaruvchiga ishora qilmaydiganlariga murojaat qilish kerak.
Dengiz jismlari kabi bezaklar
Ushbu uslubdagi taqinchoqlar 2-3 yil avval urfda edi. Ammo dizaynerlar marvaridlarga hamisha obrazga qo‘shimcha ko‘rk bag‘ishlovchi taqinchoq sifatida qaraydi. Natijada chig‘anoqli yoki shu kabi taqinchoqlar o‘z-o‘zidan chetga chiqdi.
Qoplon nusxali yubka
Umuman olganda, qoplon nusxali liboslar ancha avval urfdan qolgan, shu jumladan, yubkalar ham. Uning o‘rniga biroz nafis, sipo yoki hech qanday naqshsiz keng yubkalar obrazni boyitishda yordam beradi.
Ikki xil zirak
Bir vaqtlar barchaning ko‘nglidan joy olgan ikki xil ko‘rinishdagi ziraklar tez orada ayollarni zeriktirdi.
Hudi-liboslar
Hudi-liboslar qulayligi bilangina hozirgacha kiyilishda davom etmoqda. Aslida ular qomatni semiz qilib ko‘rsatishi bilan tashqi ko‘rinishga putur yetkazadi.
Qomatni tortib turuvchi ko‘ylaklar
Bu kabi liboslar havo o‘tkazadigan tabiiy matodan tikilmagani bilan birga, o‘ta torligi bilan ham tanani zo‘riqtiradi. Inson borgan sari o‘zi uchun qulaylik izlayotgan vaqtda qomatni tortib turuvchi liboslar garderobda qolmasligi tabiiy.
Izoh (0)