Руминия мудофаа вазири Николае Чукэ Facebook’даги расмий саҳифасида хушёрликни йўқотиб, махфий маълумотларни ўзи билмаган ҳолда ошкор қилиб қўйди.
«Мудофаа вазири жиддий хатога йўл қўйди», — дея ёзган Mediafax агентлиги.
«Мудофаа вазири Николае Чуке хушёрликни йўқотди», — дея вазиятга изоҳ берган Digi 24 телеканали.
Вазирлик раҳбари парламентарийларнинг аксар қисми билан Сибиудаги Николае Бэлческу номидаги қуруқлик қўшинлари академиясига ташриф буюрган. Вазият тасврига олинган суратлардан бирида вазир бир нечта телефон рақамлари ва махфий пароллар ёзилган доска олдида турганини ижтимоий тармоққа юклаган. Орадан бир неча соат ўтгач вазирнинг Facebook’даги саҳифаси маъмурлари суратни ўчириб ташлаган, бироқ журналистлар бунгача скриншотлар қилишга ва фотосуратни бошқа ижтимоий тармоқларда ҳам тарқатишга улгурган эди.
Кейинчалик Мудофаа вазирлиги матбуот хизмати суратдаги жумлалар махфий ахборот эмаслиги ва ички фойдаланиш учун ишлатилишини маълум қилди. Фотосурат Мудофаа вазирлигининг шаҳар call-марказида олинган, доскадаги маълумотлар коронавирусга қарши эмланадиган шахсларни рўйхатдан ўтказади (видеоконференцияга кириш пароли, компьютерни ёқиш пароли, электрон почта манзили, шунингдек, ходимларнинг телефон рақамлари кўриниб қолган).
Мудофаа вазирлиги суратга олинган пароллар ҳеч ким томонидан ишлатиб кўрилмагани ва ошкор бўлганидан кейин зудлик билан бошқа махфий символларга алмаштирилганини билдирди. Баёнотга кўра, мудофаа вазири бу борада тегишли чоралар кўриш ҳақида буйруқ берган.
Мавзуга доир: Германияда маҳаллий ҳукумат органлари Microsoft’нинг электрон почта тизимидаги заифлик сабаб киберҳужумга учради
Изоҳ (0)