Boks bo‘yicha super og‘ir vazn toifasida sobiq Jahon chempioni Mayk Tayson Evander Holifildga qarshi uchinchi jangini o‘tkazishi haqida ma’lum qildi.
Taysonning so‘zlariga ko‘ra, boks afsonalari o‘rtasidagi jang 29-may kuni o‘tkaziladi. Ta’kidlanishicha, jang Mayami (AQSh) shahrida bo‘lib o‘tadi.
Avvalroq Taysonning vakillari jangni tashkil etish masalasini cho‘zayotgani va Mayk mazkur jang uchun va’da qilingan 25 million dollar gonorarni rad etgani xabar qilingandi.
Eslatib o‘tamiz, 54 yoshli Tayson va 58 yoshli Holifild 2020-yilda faoliyatini tiklashini ma’lum qilgandi. Mayk 2020-yilning noyabr oyida Roy Jonsga qarshi ringga ko‘tarilgandi.
Tayson va Holifild ikki bor 1996 va 1997-yillarda o‘zaro jang qilgan. Ilk jangda Holifild nokaut evaziga g‘alaba qozongan, ikkinchi to‘qnashuvda esa Mayk raqibining qulog‘ini tishlab olgan va diskvalifikatsiya qilingandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)