Бокс бўйича супер оғир вазн тоифасида собиқ Жаҳон чемпиони Майк Тайсон Эвандер Ҳолифилдга қарши учинчи жангини ўтказиши ҳақида маълум қилди.
Тайсоннинг сўзларига кўра, бокс афсоналари ўртасидаги жанг 29 май куни ўтказилади. Таъкидланишича, жанг Майами (АҚШ) шаҳрида бўлиб ўтади.
Аввалроқ Тайсоннинг вакиллари жангни ташкил этиш масаласини чўзаётгани ва Майк мазкур жанг учун ваъда қилинган 25 миллион доллар гонорарни рад этгани хабар қилинганди.
Эслатиб ўтамиз, 54 ёшли Тайсон ва 58 ёшли Ҳолифилд 2020 йилда фаолиятини тиклашини маълум қилганди. Майк 2020 йилнинг ноябрь ойида Рой Жонсга қарши рингга кўтарилганди.
Тайсон ва Ҳолифилд икки бор 1996 ва 1997 йилларда ўзаро жанг қилган. Илк жангда Ҳолифилд нокаут эвазига ғалаба қозонган, иккинчи тўқнашувда эса Майк рақибининг қулоғини тишлаб олган ва дисквалификация қилинганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)