O‘zbekiston Sog‘liqni saqlash vazirligi yangi binoga ko‘chganini ma’lum qildi.
Qayd etilishicha, Prezident Shavkat Mirziyoyev boshchiligida 2020-yilning 6-noyabr kuni sog‘liqni saqlash tizimiga bag‘ishlab videoselektor yig‘ilishi bo‘lib o‘tgan. Unda Sog‘liqni saqlash vazirligi binosi zamonaviy talablarga javob bermay qolgani haqida bildirilgan fikrlarga javoban davlat rahbari tomonidan bu masalaga e’tibor berish va yechim topish bo‘yicha topshiriq berilgan.
Shuningdek, yig‘ilishda Qishloq va suv xo‘jaligi vazirligining avvalgi binosini SSVga berish bo‘yicha taklif ham ilgari surilgan edi.
Davlat rahbarining topshirig‘iga asosan, Navro‘z bayrami kunlarida vazirlik markaziy apparati yangi binoda ish boshladi. Ma’lum qilinishicha, uzoq yillardan beri vazirlik o‘rnashib kelgan Navoiy ko‘chasidagi 12-uy vazifalari kengayib borayotgan vazirlik talablariga javob bermay qolgan.
Ta’kidlanishicha, SSV ko‘chib o‘tgan Navoiy ko‘chasidagi 4-uy yangidan ta’mirlangan, barcha zamonaviy imkoniyatlarga ega.
Bundan avval SSV rahbari Chirchiqda Prezident bilan uchrashgan yigit va tibbiy-ijtimoiy xizmatlar agentligi masalasiga izoh bergani hamda vazir boshchiligida shifokorlar Prezident topshirig‘i bo‘yicha Chirchiqdagi yigit uyiga tashrif buyurgani haqida xabar berilgandi.
Izoh (0)