Qashqadaryo viloyatining Yakkabog‘ tumanida Hindistonning Rubby Hall shifoxonasi filiali ochilishi mumkin. Bu haqda “Daryo”ga tuman hokimining matbuot kotibi Sherzod Hasanov ma’lum qildi.
Ta’kidlanishicha, 2021-yilning 20-mart kuni Hindistonning Rubby Hall shifoxonasi professori, doktor Fahad Nahdi Yakkabog‘ tumaniga tashrif buyurib, tuman hokimi Lutfiddin Abdullayev bilan uchrashgan.
“Doktor Fahad Nahdi hokim bilan uchrashuvda tumanda Rubby Hall shifoxonasi filialini ochish hamda Hindiston davlatidan eng so‘nggi diagnostika texnologiyalarini tumanga olib kelish taklifini berdi. Shuningdek, hindistonlik doktor Yakkabog‘ tumaniga hamkasblarini ham olib kelib, hamkorlikda ishlamoqchiligini aytdi. Tuman hokimi taklifni qabul qilib, har tomonlama qo‘llab-quvvatlashini bildirdi”, — deydi Sherzod Hasanov.
Lutfiddin Abdullayevning matbuot kotibi Sherzod Hasanovning qo‘shimcha qilishicha, hindistonlik shifokor shu kuni Yakkabog‘ tuman tibbiyot birlashmasida ham bo‘lib, shifoxonada yaratilgan shart-sharoitlar bilan tanishgan. Qolaversa, og‘ir bemorlarni qabul qilib, tavsiyalar ham bergan.
Mavzuga doir:
- “Opa, siz menga ‘ponyatka’ bermang”. Yakkabog‘ tumanini 10 kun boshqarish huquqini qo‘lga kiritgan yosh hokim murojaatchi fuqaro bilan tortishdi
- “Qashqadaryoda tadbirkorlik qilib bo‘lmaydi, sabr kosam to‘ldi”. Yakkabog‘lik tadbirkor ayol hasrati
- Qashqadaryolik tadbirkor uch kun elektrsiz qolgani sabab olti mingta tovug‘idan ayrildi
Izoh (0)