Қашқадарё вилоятининг Яккабоғ туманида Ҳиндистоннинг Rubby Hall шифохонаси филиали очилиши мумкин. Бу ҳақда «Дарё»га туман ҳокимининг матбуот котиби Шерзод Ҳасанов маълум қилди.
Таъкидланишича, 2021 йилнинг 20 март куни Ҳиндистоннинг Rubby Hall шифохонаси профессори, доктор Фаҳад Наҳди Яккабоғ туманига ташриф буюриб, туман ҳокими Лутфиддин Абдуллаев билан учрашган.
«Доктор Фаҳад Наҳди ҳоким билан учрашувда туманда Rubby Hall шифохонаси филиалини очиш ҳамда Ҳиндистон давлатидан энг сўнгги диагностика технологияларини туманга олиб келиш таклифини берди. Шунингдек, ҳиндистонлик доктор Яккабоғ туманига ҳамкасбларини ҳам олиб келиб, ҳамкорликда ишламоқчилигини айтди. Туман ҳокими таклифни қабул қилиб, ҳар томонлама қўллаб-қувватлашини билдирди», — дейди Шерзод Ҳасанов.
Лутфиддин Абдуллаевнинг матбуот котиби Шерзод Ҳасановнинг қўшимча қилишича, ҳиндистонлик шифокор шу куни Яккабоғ туман тиббиёт бирлашмасида ҳам бўлиб, шифохонада яратилган шарт-шароитлар билан танишган. Қолаверса, оғир беморларни қабул қилиб, тавсиялар ҳам берган.
Мавзуга доир:
- «Опа, сиз менга ‘понятка’ берманг». Яккабоғ туманини 10 кун бошқариш ҳуқуқини қўлга киритган ёш ҳоким мурожаатчи фуқаро билан тортишди
- «Қашқадарёда тадбиркорлик қилиб бўлмайди, сабр косам тўлди». Яккабоғлик тадбиркор аёл ҳасрати
- Қашқадарёлик тадбиркор уч кун электрсиз қолгани сабаб олти мингта товуғидан айрилди
Изоҳ (0)