19-mart kuni Surxondaryo viloyati Bandixon tumanida Qiziriq tumani IIB YHXB xodimi Lacetti rusumli maxsus xizmat avtomobilida yo‘l-transport hodisasiga uchradi. Bu haqda IIV YHXBB matbuot xizmati xabar berdi.
Hodisa soat 16:00 larda Bandixon tumani hududidan o‘tgan 4R-100 avtomobil yo‘lining 97-kilometrida sodir bo‘lgan. ️Ma’lum qilinishicha, ko‘ngilsiz hodisa inspektor U.Kenjayev avtomobil boshqaruvini yo‘qotishi oqibatida yuzaga kelgan. Mashina yo‘ldan chiqib ketib, pastlikka tushib ketgan.
Hodisa natijasida tan jarohati olganlar yo‘q.
️Mazkur YTH yuzasidan Bandixon tumani prokuraturasi tomonidan surishtiruv harakatlari olib borilib, hodisa sabablariga aniqlik kiritilmoqda.
Avvalroq Toshkentda YHXB avtomobili Lacetti bilan to‘qnashgani, Toshkentda boshqaruvni yo‘qotgan YPX xodimi xizmat Lacetti’sini daraxtga borib urgani haqida xabar berilgan edi.
Izoh (0)