19 март куни Сурхондарё вилояти Бандихон туманида Қизириқ тумани ИИБ ЙҲХБ ходими Lacetti русумли махсус хизмат автомобилида йўл-транспорт ҳодисасига учради. Бу ҳақда ИИВ ЙҲХББ матбуот хизмати хабар берди.
Ҳодиса соат 16:00 ларда Бандихон тумани ҳудудидан ўтган 4Р-100 автомобиль йўлининг 97-километрида содир бўлган. ️Маълум қилинишича, кўнгилсиз ҳодиса инспектор У.Кенжаев автомобиль бошқарувини йўқотиши оқибатида юзага келган. Машина йўлдан чиқиб кетиб, пастликка тушиб кетган.
Ҳодиса натижасида тан жароҳати олганлар йўқ.
️Мазкур ЙТҲ юзасидан Бандихон тумани прокуратураси томонидан суриштирув ҳаракатлари олиб борилиб, ҳодиса сабабларига аниқлик киритилмоқда.
Аввалроқ Тошкентда ЙҲХБ автомобили Lacetti билан тўқнашгани, Тошкентда бошқарувни йўқотган ЙПХ ходими хизмат Lacetti’сини дарахтга бориб ургани ҳақида хабар берилган эди.
Изоҳ (0)