Bosh vazir o‘rinbosari va Turizmni rivojlantirish davlat qo‘mitasi raisi, Samarqand shahridagi “Ipak yo‘li” xalqaro turizm universiteti rektori, “Chorvoq” erkin turistik zonasi direksiyasi direktori, O‘zbekiston Badminton federatsiyasi raisi hamda O‘zbekiston Shaxmat federatsiyasi raisi lavozimlarida faoliyat yuritib kelayotgan Aziz Abduhakimov “Daryo” muxbiri Mirolim Isajonovga bergan intervyusida mazkur lavozimlarining qay biridan maosh olishi haqidagi savolga javob berdi.
“Na Badminton federatsiyasidan, na Shaxmat federatsiyasidan, na rektor va na qo‘mita raisi sifatida oylik olmayman. Faqat bosh vazir o‘rinbosari sifatida maosh olaman, xolos.
Bosh vazir o‘rinbosari va qo‘mita raisi birlashtirilgan lavozim hisoblanadi. Faqat bitta lavozimdan maosh olaman. Bu qonunchilikda ham belgilangan. Qolgan barcha vazifalardan oylik olmayman.
Samarqanddagi xalqaro universitet rektori lavozimi men uchun katta yuklama va mas’uliyat”, — dedi Abduhakimov.
Ma'lumot uchun, Aziz Abduhakimov Bo‘stonliq tumanini ham boshqaradi.
Izoh (0)