Бош вазир ўринбосари ва Туризмни ривожлантириш давлат қўмитаси раиси, Самарқанд шаҳридаги «Ипак йўли» халқаро туризм университети ректори, «Чорвоқ» эркин туристик зонаси дирекцияси директори, Ўзбекистон Бадминтон федерацияси раиси ҳамда Ўзбекистон Шахмат федерацияси раиси лавозимларида фаолият юритиб келаётган Азиз Абдуҳакимов «Дарё» мухбири Миролим Исажоновга берган интервьюсида мазкур лавозимларининг қай биридан маош олиши ҳақидаги саволга жавоб берди.
«На Бадминтон федерациясидан, на Шахмат федерациясидан, на ректор ва на қўмита раиси сифатида ойлик олмайман. Фақат бош вазир ўринбосари сифатида маош оламан, холос.
Бош вазир ўринбосари ва қўмита раиси бирлаштирилган лавозим ҳисобланади. Фақат битта лавозимдан маош оламан. Бу қонунчиликда ҳам белгиланган. Қолган барча вазифалардан ойлик олмайман.
Самарқанддаги халқаро университет ректори лавозими мен учун катта юклама ва масъулият», — деди Абдуҳакимов.
Маълумот учун, Азиз Абдуҳакимов Бўстонлиқ туманини ҳам бошқаради.
Изоҳ (0)