Jizzax shahrida 2014-yildan beri qo‘shmachilik faoliyati bilan shug‘ullanib kelgan 40 yoshli ayol qo‘lga olindi. Bu haqda “Yoshlar” telekanalida ma’lum qilindi.
Ma’lum qilinishicha, ayol Jizzax shahrining “Ittifoq” mahallasidagi uyida Qoraqalpog‘iston Respublikasi, Xorazm, Andijon va Farg‘ona viloyatlaridan bo‘lgan 8-10 nafar ayolni saqlab, ularni to‘y va marosimlarga raqqosalikka yuborish, shuningdek, jinsiy aloqa qilishlari uchun sharoit yaratib kelgan.
O‘tkazilgan tezkor tadbirda Qoraqalpog‘istonda yashovchi 38 yoshli va Jizzax viloyati Sharof Rashidov tumanida yashovchi 30 yoshli ayollar xizmat uchun kelishilgan 500 ming so‘mdan 150 ming so‘mini olgan vaqtida daliliy ashyolar bilan ushlangan.
Hozirda mazkur holat bo‘yicha Jinoyat kodeksining 131-moddasi (qo‘shmachilik qilish yoki fohishaxona saqlash) 1-qismi bilan jinoyat ishi qo‘zg‘atilgan bo‘lib, tergov harakatlari davom etmoqda.
Avvalroq Navoiyda boshpanasiz qizga o‘z uyidan joy berib, uni fohishalikka majburlagan ayol ushlangani, Jizzaxda 3 nafar ayolni fohishalik qilish uchun Turkiyaga jo‘natayotgan 21 yoshli yigit qo‘lga olingani haqida xabar berilgandi.
Izoh (0)