Navro‘z bayrami arafasida Andijon—Xonobod shaharlari o‘rtasida yo‘lovchi poyezd qatnovi yo‘lga qo‘yilishi haqida xabar berilgan edi. Andijon viloyati hokimligining ma’lum qilishicha, 19-mart kuni soat 9:00 da poyezd Andijon vokzalidan yo‘lga chiqdi.
Qayd etilishicha, ushbu poyezdda birinchi yo‘lovchi sifatida viloyat hokimligi vakillari, nuroniylari, yoshlar hamda OAV vakillari qatnashdi.
“Toshtemiryo‘lloyiha” mas’uliyati cheklangan jamiyati mutaxassislari tomonidan ishlab chiqilgan loyihaga ko‘ra, jarayonda 520 ming kub metr tuproq ishlari bajarilib, 45 ta sun’iy inshoot (1 ta temiryo‘l ko‘prigi) qurildi. Mavjud 53,2 kilometr temiryo‘llar ta’mirlanib, 10,2 kilometr masofaga yangi po‘lat izlar yotqizilib, 7 ta avtomobil va temiryo‘l kesishmasi bunyod etildi.
Transport vazirligi matbuot xizmatining ma’lum qilishicha, Xonobod temiryo‘l vokzali 50 o‘rinli bo‘lib, bir sutkada 500 nafar yo‘lovchiga xizmat ko‘rsatish imkoniyatiga ega.
Ushbu yangi vokzalning qurilishi bilan 20 nafarga yaqin yangi ish o‘rni yaratildi.
Izoh (0)