Internetda Maserati kompaniyasining Italiya Alplarida — Livino komunnasi yaqinida qishgi testdan o‘tayotgan MC20 kupesining videosi paydo bo‘ldi. Inqilobiy superkar — markaning so‘nggi 16 yil ichida yaratilgan o‘rta motorli birinchi mashinasi hisoblanadi. Uning dvigateli mutlaqo yangi bo‘lib, Maserati Innovation Lab. texnik markazida yaratilgan, deb xabar beradi Motor.
Rolikdagi qorli trassa bo‘ylab harakatlanayotgan Maserati MC20’ning videoqatorlari tog‘dagi bo‘ronli kadrlar bilan birlashib ketgan — bu superkarning “portlovchi” xususiyatiga xos. Ikki eshikli mashina kapoti ostidan Maserati tomonidan so‘nggi 20 yildan buyon birinchi bor taqdim etilgan V6 Nettuno biturbomotori o‘rin olgan. U Ferrari F154 V8’ning uzoq “qarindoshi” hisoblanib, “Formula-1” bolidlari kabi kombinatsiyalangan yoqilg‘i sepgich va ikkita o‘toldirgichli old kamerali tizim bilan jihozlangan.
Mashina motori 630 ot kuchi va 730 Nm aylanuvchi momentni taqdim etishga qodir bo‘lib, daqiqasiga 3000—5500 diapazondagi aylanishni amalga oshiradi. Orqa o‘qdagi tortuvchi kuch sakkiz pog‘onali “robot” orqali boshqariladi. MC20 soatiga 100 kilometr tezlikka 2,9 soniyada, 200 kilometr/soat tezlikka esa 8,8 soniyada erishadi. Maksimal tezligi — 325 kilometr/soat.
Avvalroq General Motors konserni nazorati ostida bo‘lgan GMC markasi yangi Hummer’ning imkoniyatlari namoyish etilgan navbatdagi rolik bilan bo‘lishgandi. Videoda GMC Hummer EV elektropikapining prototipi qor uyumida “kulcha yasaganini” ko‘rish mumkin.
Izoh (0)