Minneapolis hukumati (Minnesota shtati, AQSh) 2020-yil hibsga olish paytida politsiya tomonidan o‘ldirilgan afroamerikalik Jorj Floydning oilasiga 27 million dollar miqdorida kompensatsiya to‘laydi. Bu haqda Associated Press xabar berdi.
Shunday qilib, shahar ma’muriyati Floyd oilasining shahar va afroamerikalikni o‘ldirishda ayblangan politsiya xodimlariga qarshi da’vosini suddan tashqari hal qilishga rozi bo‘ldi. Sudga kiritilgan da’voda marhumning oilasi politsiyachilar Jorj Floydni ushlab, uning huquqlarini buzganini, shaharning esa politsiyaga “keragidan ortiq kuch ishlatib, irqchilik va jazosiz qolishi”ga yo‘l qo‘yib bergnini ta’kidlagan.
Eslatib o‘tamiz, Minneapolis shahri politsiyasi vakili 25-may kuni 46 yoshli afroamerikalik Jorj Floydni qo‘lga olish chog‘ida uni tutib, yerga yotqizgan va tizzasi bilan bo‘ynini bosgan. Politsiyachi uni shu tariqa uzoq vaqt ushlab turishi Jorj Floydning o‘limiga sabab bo‘lgan. Holat aks etgan video ijtimoiy tarmoqlarda tarqalgach, AQShning turli hududlarida norozilik namoyishlari boshlangan. AQShning 25 ta shahrida ommaviy noroziliklar sabab komendantlik soati e’lon qilindi. Donald Tramp Oq uy qarshisida sodir bo‘lgan norozilik namoyishi vaqtida yerosti bunkeriga berkingani haqida xabar berilgan.
Floydni o‘ldirishda to‘rt politsiyachiga nisbatan ayblov e’lon qilindi: Derek Chovin (Floydning bo‘yniga tizza bosgan politsiyachi) va uning hibsga olishda yonida bo‘lgan uchta hamkasbi. Shuningdek, AQShning Minnesota shtatidagi Apellyatsiya sudi qora tanli Jorj Floydni o‘ldirishda ayblanayotgan sobiq politsiya xodimi Derek Shovinga qarshi ayblovlarning bir qismi olib tashlangani to‘g‘risidagi qarorni qayta ko‘rib chiqish kerakligini ma’lum qildi.
Afroamerikalik Jorj Floydning o‘limidan keyin Minneapolis (Minnesota shtati) shahar rasmiylari politsiyaga bo‘g‘ish usulini qo‘llashni taqiqlashga qaror qildi va Jorj Floydning o‘limiga sabab bo‘lgan Minneapolis politsiya departamenti tarqatib yuborildi.
Izoh (0)