Qirg‘iziston prezidenti Sadir Japarovni Ko‘ksaroyda rasmiy kutib olish marosimi — suratlarda

Avval xabar berilganidek, 11-mart kuni Shavkat Mirziyoyevning taklifiga binoan Qirg‘iziston prezidenti Sadir Japarov davlat tashrifi bilan O‘zbekistonga keldi. Tashrifning ilk kunida Ko‘ksaroy qarorgohida oliy darajadagi O‘zbekiston—Qirg‘iziston sammitining asosiy tadbirlari bo‘lib o‘tdi.

Dastlab davlat rahbarlarining tor doiradagi muzokaralari o‘tdi. Uchrashuv chog‘ida O‘zbekiston bilan Qirg‘iziston o‘rtasidagi strategik sheriklik munosabatlarini mustahkamlash, ko‘p qirrali hamkorlikni kengaytirish masalalari muhokama qilindi. Shundan so‘ng muzokaralar ikki mamlakat rasmiy delegatsiyalari ishtirokida davom ettirildi. Muzokaralarda asosiy e’tibor ikki mamlakat o‘rtasidagi savdo-iqtisodiy hamkorlikni yanada rivojlantirish masalalariga qaratildi. Muzokaralar yakunlangach, imzolangan hujjatlarni almashish marosimi tashkil etildi.

“Daryo” fotomuxbiri ushbu tadbirlarga tayyorgarlik, ularning borishi va e’tiborga molik lahzalarini kadrlarga muhrladi.

Ommaviy axborot vositalari vakillari bilan uchrashuv oldidan

Ommaviy axborot vositalari vakillari bilan uchrashuv hamda imzolangan hujjatlarni almashish marosimi