“O‘zgidromet”ning ma’lum qilishicha, Respublikaning shimoliy hududlarida 12-mart kuni kechasi Rossiyaning (Moskva viloyati) Yevropa hududlari ustida shakllangan sovuq va nam havo massalari kirib kelishi boshlanadi. Qoraqalpog‘istonda ba’zi joylarda qor yog‘adi, shamol 17-22 metr/sekundgacha kuchayishi kuzatiladi, ayrim joylarda shamol kuchayishi 23-28 metr/sekundgacha yetadi. Havo harorati kunduzi 2-7 daraja iliqdan oshmaydi.
O‘zbekistonning qolgan hududlarida bahoriy iliq ob-havo saqlanib turadi, kunning o‘rtasiga kelib, havo harorati 17-22 daraja iliqqacha ko‘tariladi, bu me’yordan 3-5 darajaga yuqori. Faqat janubi-g‘arbiy hududlarga Eron hududlaridan nam havo massalari kirib kelishi boshlanadi. Buxoro, Navoiy, Samarqand, Qashqadaryo viloyatlarida kechga tomon ba’zi joylarda yomg‘ir yog‘ishi, momaqaldiroq bo‘lishi mumkin.
13-mart kuni nam havo massalari O‘zbekistonning barcha hududlariga tarqaladi. Respublika hududlarining ko‘p qismida yomg‘ir yog‘adi, ba’zi joylarda kuchli bo‘ladi. Farg‘ona vodiysida faqat kechki soatlarda yomg‘ir yog‘ishi mumkin. Havo harorati kechasi va kunduz kuni 10-15 daraja iliq atrofida bo‘ladi. Shimoliy hududlar sovuq havo ta’siri ostida bo‘ladi. Qoraqalpog‘istonning ba’zi joylarida biroz qor yog‘ishi mumkin, Xorazm viloyatida qor yog‘adi, ba’zi joylarda kuchli bo‘lishi mumkin. Harorat shimoliy hududlarda 3-8 daraja sovuqqacha pasayadi.
14-mart kuni respublikaning barcha hududlari sovuq antisiklon ta’siri ostida bo‘ladi. Markaziy va sharqiy tumanlarda, asosan, qor ko‘rinishidagi yog‘ingarchilik, ba’zi joylarda kuchli bo‘ladi. Buxoro, Navoiy, Qashqadaryo, Surxondaryo viloyatlarida faqat kechasi va ertalabki soatlarda yog‘ingarchilik bo‘ladi. Shimoliy hududlarda yog‘ingarchilik bo‘lishi ehtimoli kam. Havo harorati kechasi va kunduz kuni 2 daraja sovuq, -3 daraja iliq; shimolda kechasi 10-15 daraja sovuq, kunduz kuni 2-7 daraja sovuq atrofida bo‘ladi.
Respublika hududining ko‘p qismida 12—14-mart kunlari shamol tezligi 17-22 metr/sekundgacha kuchayishi kutilmoqda, ba’zida esa 23-28 metr/sekundgacha kuchayishi mumkin.
15-mart kechasi sovuq antisiklon ta’siri kuchayadi, havo harorati 2-7 daraja sovuqqacha pasayadi. Kunduz kuni esa harorat ko‘tarila boshlaydi va 3-8 daraja iliqni tashkil etadi. Bu mart oyi o‘rtasi uchun me’yoriy qiymatlardan 8-10 darajaga past.
Qayd etilishicha, qor yog‘ishi va past harorat respublika yo‘llarida yaxmalak hosil bo‘lishiga olib kelishi, tog‘larda qor ko‘chkilari tushishi mumkin.
Eslatib o‘tamiz, O‘zbekistonda hafta oxiriga borib havo sovib, qor yog‘ishi kutilayotgani haqida “O‘zgidromet” avval ham ma’lum qilgandi.
Izoh (0)