Chernobildan keyingi eng dahshatli yadroviy falokat. Fukusima fojiasi — suratlarda
Yaponiya 11-mart kuni mamlakatda 10 yil oldin yuz bergan dahshatli zilzila va sunami hamda uning oqibatida kelib chiqqan Fukusima yadroviy avariyasi qurbonlari uchun motam tutdi. Mamlakat imperatori Naruxito va bosh vazir Yosixide Suga qurbonlar xotirasiga bir daqiqa sukut saqladi. Roppa-rosa o‘n yil oldin Yaponiyada 20 ming kishining yostig‘ini quritgan fojia haqida Reuters fotoreportaj tayyorladi.
Foto: Reuters
2011-yil 11-mart kuni salkam to‘qqiz ballik zilzila butun Yaponiyani qalqitib yubordi. Bu o‘z navbatida sunamiga turtki berib, zilziladan omon qolgan joylarni suv bosdi.
8,9 balli zilziladan keyin Xeygava daryosidan Miyako shahriga qarab to‘lqin yaqinlashmoqda. 2011-yil, 11-mart.Foto: Reuters
Tabiiy ofat tufayli Tokiodan 250 kilometr naridagi Fukusima atom elektr stansiyasi ishdan chiqdi. Qo‘shaloq ofat inshootdagi reaktor sovitgichlari faoliyatini ta’minlovchi elektr quvvatini ishdan chiqardi. Favqulodda choralarga qaramay reaktor qobig‘ining harorati xavfli darajaga ko‘tarildi.
Fukusima prefekturasidagi Ivaki shahrida sunami va zilziladan so‘ng hosil bo‘lgan girdoblar. 2011-yil, 11-mart.Foto: Reuters
Avariyadan bir kun o‘tib, reaktorlardan biri joylashgan bino portladi. Ikki kundan so‘ng boshqa reaktor binosida portlash yangradi. Yana bir kundan keyin uchinchi reaktor binosida ham o‘xshash voqea yuz berdi. Natijada xavfli radiatsiya tarqalib, inson hayoti va atrof-muhitga tahdid sola boshladi va stansiya atrofidagi 160 mingdan ziyod aholini qochishga majbur qildi.
Fukusima — 1986-yildagi Ukrainaning Chernobil atom elektrostansiyasidagi portlashdan keyin, insoniyat tarixida eng dahshatli yadroviy falokatga aylandi.
Yaponiya shimolidagi Natori shahri vayronalari orasida yig‘lab o‘tirgan ayol. 2011-yil, 13-mart.Foto: Reuters
Sunami va zilziladan keyin Natori shahridagi uylar suv ostida qoldi. 2011-yil, 11-mart.Foto: Reuters
Natori shahrida zilziladan so‘ng turar-joy hududini qamrab olayotgan sunami. 2011-yil, 11-mart.Foto: Reuters
Fojiadan bir kun o‘tib, Minamisanriku posyolkasining markaziy qismi vertolyotdan olingan tasvirda. 2011-yil, 12-mart.Foto: Reuters
Sunami dengizga oqizib ketgan 60 yoshli Hiromitsu Shinkava fojiadan ikki kun o‘tib, qidiruv qutqaruv ekipaji tomonidan Fukusima prefekturasidan 15 km uzoqlikda o‘zi bilan oqib ketgan uyining tomiga tirmashib olgan holda topildi. 2011-yil, 13-mart.Foto: Reuters
Vatari posyolkasida fojia oqibatida vayron bo‘lgan hudud qabristoniga kelib qolgan mashina. 2011-yil, 22-aprel.Foto: Reuters
Fojiadan omon qolganlar vayron bo‘lgan uyidan bor-yo‘g‘i ikki tugun buyum yig‘ib oldi. 2011-yil, 17-mart.Foto: Reuters
Fojiadan ikki hafta o‘tib, vayron bo‘lgan uyidan narsalarini yig‘ib ketayotgan erkak sunami sabab quruqlikka chiqib qolgan kemaga duch keldi. 2011-yil, 27-mart.Foto: Reuters
Isinomaki shahrida vayronalarga qarab turgan ayol. 2011-yil, 13-mart.Foto: Reuters
Minamisanriku posyolkasi kasalxonasining koridorida yotgan ayol jasadi. 2011-yil, 14-mart.Foto: Reuters
Qutqaruvchilar dengiz qirg‘og‘i yaqinidagi xarobalarni ko‘zdan kechirmoqda. 2011-yil, 19-mart.Foto: Reuters
Natori shahrida qutqaruv xizmati xodimi qariyaga yordam bermoqda. 2011-yil, 12-mart.Foto: Reuters
Fojiadan vayron bo‘lgan hududni kezib yurgan bolalar. 2011-yil, 5-aprel.Foto: Reuters
Fukusima atom stansiyasi atrofidagi qariyalar uyidan evakuatsiya qilingan odamlar Koriyamadagi vaqtinchalik boshpanada dam olmoqda. 2011-yil, 13-mart.Foto: Reuters
Yaponiyaning o‘sha paytdagi imperatori Akixito va uning rafiqasi Michiko Tokioga evakuatsiya qilingan odamlar bilan suhbatlashmoqda. 2011-yil, 30-mart.Foto: Reuters
Fukusima atom stansiyasi yaqinidagi evakuatsiya zonasidan olib kelingan bolalarda nurlanish belgilari bor-yo‘qligi tekshirilmoqda. 2011-yil, 13-mart.Foto: Reuters
Radiatsiya darajasi yuqori bo‘lganlarni skrining, tozalash va izolyatsiya qilishga mo‘ljallangan vaqtinchalik muassasada izolyatsiyaga olingan qiz, oyna ortidan itini erkalamoqda. 2011-yil, 14-mart.Foto: Reuters
Tokyo Electric Power kompaniyasi ishchilari Fukusima stansiyasidan 22 km uzoqlikda joylashgan Kavauchi qishlog‘idagi gimnaziyada, stansiya atrofidagi taqiqlangan zonada qolgan uylariga qisqa muddatga borib kelish uchun tayyorgarlik ko‘rayotgan qishloq aholisiga ta’zim qilib, uzr so‘ramoqda. 2011-yil, 10-may.Foto: Reuters
Yaponiya shimolidagi Yamada shahrining vayron bo‘lgan qismida odamlar yordam olish uchun uzun navbat hosil qilib turibdi. 2011-yil, 26-mart.Foto: Reuters
Tokyo Electric Power kompaniyasi rahbarlari va yapon jurnalistlari avtobus oynasidan ishdan chiqqan Fukusima AESga qarab turibdi. 2011-yil, 12-noyabr.Foto: Reuters
Fojiadan keyin Kesennuma shahridagi vayron bo‘lgan portda kezib yurgan kishi. 2011-yil, 28-mart.Foto: Reuters
Evakuatsiya qilingan odamlar Fukusima AESdan 20 km uzoqlikdagi taqiqlangan zonada qolgan uylariga kombinezonda kelib narsalarini yig‘ishtirib ketmoqda. 2011-yil, 10-may.Foto: Reuters
Zilzila va sunami oqibatida shikastlangan oilaviy fotosuratlar volontyorlar tomonidan yuvib quritilmoqda. 2011-yil, 12-aprel.Foto: Reuters
Isinomaki shahrida fojia oqibatida vayron bo‘lgan bolalar bog‘chasi devorida osilib qolgan fotosurat va suv izlari. 2011-yil, 7-aprel.Foto: Reuters
Zilzila va sunamidan keyin butunlay yonib ketgan Kadonovaki boshlang‘ich maktabi yonida turgan kishi. 2011-yil, 7-aprel.Foto: Reuters
Zilzila va sunami oqibatida vafot etganlarning oila a’zolari tobutlarni dafn etgach, qabrlarga qarab yig‘lamoqda. 2011-yil, 23-mart.Foto: Reuters
Fukusima atrofidagi taqiqlangan zonaga kiruvchi Tomioka shaharchasining bo‘shab qolgan savdo majmualari joylashgan ko‘cha. 2012-yil, 15-yanvar.Foto: Reuters
Fojiadan omon qolgan ushbu daraxt Yaponiyada mo‘jizaviy yakka qarag‘ay deb ataladi. Tasvirda daraxt uzra Oy tutilishi kuzatilmoqda. 2011-yil, 10-dekabr.Foto: Reuters
Izoh (0)