Butun dunyoda 8-mart kuni gender tengligi, kamsitish, jinsiy zo‘ravonlik va ayollarga nisbatan shafqatsizlikka qarshi kurash bo‘yicha aksiyalar o‘tkazildi. Ushbu tadbirlar haqida “RBK” va Meduza fotoreportaj tayyorladi.
Albaniyaning Durres shahridagi bosh bulvar zinapoyasida qizil rangdagi ayollar poyabzali tushirilgan installyatsiya paydo bo‘ldi. Bu mamlakatda uydagi yoki jinsiy zo‘ravonlik natijasida o‘ldirilgan ayollarning ramziy sonini anglatadi.
Foto: AFP
Foto: AFP
Mexiko shahrida 8-mart arafasida Milliy saroy atrofini “buzg‘unchilikdan” himoya qilish uchun panjara o‘rnatildi. To‘siqqa bor-yo‘g‘i ayol bo‘lgani uchun uyushtiriladigan qotillik — femid qurboniga aylangan ayollarning ismlari yozila boshladi.
Foto: AFP
O‘rta Yer sohilidagi Tel-Aviv shahrida ayollar tuman sudi oldida tobutlarda yotib, uydagi zo‘ravonlik qurbonlarining obrazini namoyish etdi
Foto: AFP
San-Salvadorda femidga qarshi namoyish paytida to‘y libosidagi ayol
Foto: EPA
London politsiyasi talonchilik va zo‘ravonlikka qarshi faqat ayollar ishtirokida ilk jinoiy operatsiyani o‘tkazdi. Aksiya ayol politsiyachilarni lavozimida ko‘tarilish uchun ilhomlantirish va ayollarni huquq-tartibot organlarida ishlashga jalb qilishni maqsad qilgan.
Foto: PA Images
Ispaniyaning Santander shahrida ayollarning Bicicletada Feminista nomli velosiped sayri.
Foto: ZUMA
Madridda ayollar yuzlarini varaq bilan yopib oldi. Ular “muammolarni yengib, to‘siqlarni buzib chiqqan hamda ayollar va tenglikni himoya qilishning muhim ramziga aylangan, kelib chiqishidan turli millatga mansub” ayollar tasviri tushirilgan devor yonida norozilik namoyishi o‘tkazdi, deb yozadi El Pais nashri. Avvalroq freskaga zarar yetkazilgan edi. Kimdir tasvirdagi ayollarning yuziga qora bo‘yoq tortib chiqqan.
Foto: Reuters
Nepal poytaxti Katmanduda ayollarga nisbatan zo‘ravonlik holatlarining ko‘payishiga qarshi harakatdan lavha.
Foto: Reuters
Nepal
Foto: onlinekhabar.com
Pokistonning Lahor shahrida “patriarxiya pandemiyasi”ga qarshi marsh o‘tkazildi. Namoyishchilar ustiga MeToo choyshabini yopinib oldi, unga ishtirokchilar o‘zlariga nisbatan bo‘lgan jinsiy zo‘ravonlik holatlari haqida yozishgan. Shuningdek, ular ko‘chalarga ayollarga nisbatan shafqatsizlik bilan bog‘liq so‘zlar yozilgan ayollar kiyimlarini osib qo‘ydi
Foto: AFP
Hindistonning Baxadurgarx shahrida ayollar 8-mart kuni o‘tirgan holda ish tashlash uyushtirdi. Bhartiya Kisan Union Ekta dehqonlar kasaba uyushmasi hisob-kitoblariga ko‘ra, aksiyada 50 mingga yaqin ayol qatnashgan, deb yozadi The Print nashri. Ayollar Fermerlar uyushmasi bayrog‘i rangidagi sariq uzun dupatta (sharf)larga o‘ranib olgan edi. Ular qishloq xo‘jaligi to‘g‘risidagi yangi qonunlarni bekor qilishni qo‘llab-quvvatladi va rasmiylardan qishloq xo‘jaligi mahsulotlarini xarid qilishning kafolatlangan minimal narxini saqlab qolishni talab qildi.
Foto: Reuters
Olmaota shahrida ham 8-mart kuni ayollar huquqlarini himoya qilishga qaratilgan kelishilgan miting bo‘lib o‘tdi.
Qozog‘istondagi “Ozodlik” radiosining yozishicha, mitingga qadar ishtirokchilar quyidagi shiorlar bilan marsh o‘tkazdi: “Ayollar huquqlari — inson huquqlari”, “Hamma ayollar — opa-singillardir”, “Zo‘ravonlikka yo‘l yo‘q”, “Mening tanam — mening ishim” va “Noming o‘chsin, patriarxat”. Ular uydagi zo‘ravonlikni jinoiy javobgarlikka tortish, unga qarshi kurashish to‘g‘risida yangi qonun qabul qilish hamda ayollar va erkaklar huquqlari, xususan, ish haqini tenglashtirishni talab qildi.
Foto: Tengrinews
Foto: Tengrinews
Foto: Reuters
Sankt-Peterburg markazida 8-mart kuni kelishilmagan feministik marsh bo‘lib o‘tdi. Ishtirokchilar “Chernishevskaya” metro bekatidan “Nevskiy prospekti” bekatigacha piyoda yurib bordi.
Foto: EPA
Ishtirokchilar ukulele (gitaraning bir turi) chalib, qo‘shiq kuyladi va marsh oxirida ba’zi faollar mehnat jamoalarida ayollarga, avvalo, mutaxassis sifatida munosabatda bo‘linishini talab qilgan plakatlarni namoyish etdi, deb xabar berdi Neva Today.
Foto: Meduza
Parijda feministlar jinsiy zo‘ravonlikka qarshi aksiya o‘tkazdi. Yil boshidan beri Fransiyada kamida 116 nafar ayol o‘ldirilgan, deb yozadi France 24. Ular o‘zlarining sobiq yoki o‘sha paytdagi yigitlari tomonidan o‘ldirilgan.
Foto: Reuters
Bishkekda 8-mart kuni Femen harakati faollarining yurishi bo‘lib o‘tdi. Ishtirokchilar Oq uy yonida yig‘ildi, so‘ng Chuy xiyoboni bo‘ylab Urkue Salieva haykali tomon yurdi. U yerda faollar xotin-qizlar baxtiga bag‘ishlangan mavzularda so‘zga chiqib, tenglik haqida, kamsitish, jinsiy zo‘ravonlik va ayollarga nisbatan shafqatsizlikka qarshi kurashish haqida so‘z yuritdi, deb xabar berdi “Ozodlik” radiosi.
Foto: EPA
O‘shdagi namoyish ishtirokchisi o‘zbek tilida “G‘iybatingizga zor emasman” deb yozilgan plakatni ko‘tarib olgan.
Foto: Sanjar Eraliyev / Facebook
Foto: Kloop
Foto: Kloop
Turkiyaning janubi-sharqidagi Diyorbakir shahrida ham 8-mart munosabati bilan miting bo‘lib o‘tdi.
Foto: Reuters
Turkiya
Foto: Reuters
Tokioda gender tengligini qo‘llab-quvvatlash bo‘yicha aksiyalar o‘tkazildi
Foto: Reuters
8-mart kuni Myanma poytaxti Yangonda hokimiyatni egallagan harbiylarga qarshi namoyishlar bo‘lib o‘tdi.
Foto: Twitter
Bryusselda belarus va polshalik ayollar Yevropadagi Belaruslar assotsiatsiyasi tomonidan tashkil etilgan norozilik aksiyasida qatnashdi. Bunga sabab boshqa masalalar qatori, Polshada abort qilish huquqini cheklashni nazarda tutuvchi qonun o‘zgartirishlari edi.
Foto: Reuters
Kiyevda faollar aksiyaga taniqli ayollar, xususan, knyaginya Olga, opera qo‘shiqchisi Salomey Krushelnitsk va ingliz matematigi Ada Lavleys singari kiyinib keldi.
Foto: AP
Bolqon yarimorolidagi Prishtina shahrida 8-mart kuni oilaviy zo‘ravonlikka qarshi aksiya bo‘lib o‘tdi. Ishtirokchilardan birining qo‘lidagi stikerda alban tilida shunday yozilgan: “Biz marsh o‘tkazyapmiz, bayram qilayotganimiz yo‘q”.
Foto: AP Photo
Bangkokda 8-mart kuni ayollar huquqlari uchun miting bo‘lib o‘tdi
Foto: EPA
“Bolsonaru, yo‘qol!” degan yozuv tushirilgan himoya niqobidagi ayol 2018-yil 14-mart kuni braziliyalik huquq faoli va feminist Mariel Franko o‘ldirilgan joyda norozilik namoyishiga chiqdi.
Foto: AP Photo
