Minneapolislik Jey Kristensen drondan foydalangan holda eng murakkab videolarni suratga olish bilan shug‘ullanadi. Uning so‘nggi roliklaridan birida dron katta tezlikda boulingga kirib kelgan: tashrif buyuruvchilar va harakatlanayotgan sharlar yonidan, shuningdek, bar va zal bo‘ylab uchib o‘tib, u keglilarni yig‘ish hamda qo‘yish bilan shug‘ullanuvchi mexanizmlar bo‘lmasiga kirib borgan. Hatto o‘yinchilardan birining oyoqlari orasidan ham uchib o‘tgan.
Video oxirida Kristensen ataylab dron bilan keglilarni yiqitgan — uning so‘zlariga ko‘ra, straykni amalga oshirishning imkoni bo‘lmagan (ba’zi keglilar yiqilmagan), har qalay hech kimga jarohat yetmagan. Kristensenning ma’lum qilishicha, video to‘liq bitta dubl yordamida olingan. Biroq buning uchun 8—12 marotaba urinish amalga oshirilgan.
Meduza’ning yozishicha, Kristensenning videosi Twitter’da tarqalgach, “Galaktika qo‘riqchilari” rejissori Jeyms Gann e’tibor qaratgan. Rejissorga Kristensenning ishi shu qadar yoqqanidan u Jeyni Londonga, “Galaktika qo‘riqchilari”ning uchinchi qismini suratga olishga taklif etgan.
https://twitter.com/JamesGunn/status/1369427359170957320
Izoh (0)