Миннеаполислик Жей Кристенсен дрондан фойдаланган ҳолда энг мураккаб видеоларни суратга олиш билан шуғулланади. Унинг сўнгги роликларидан бирида дрон катта тезликда боулингга кириб келган: ташриф буюрувчилар ва ҳаракатланаётган шарлар ёнидан, шунингдек, бар ва зал бўйлаб учиб ўтиб, у кеглиларни йиғиш ҳамда қўйиш билан шуғулланувчи механизмлар бўлмасига кириб борган. Ҳатто ўйинчилардан бирининг оёқлари орасидан ҳам учиб ўтган.
Видео охирида Кристенсен атайлаб дрон билан кеглиларни йиқитган — унинг сўзларига кўра, страйкни амалга оширишнинг имкони бўлмаган (баъзи кеглилар йиқилмаган), ҳар қалай ҳеч кимга жароҳат етмаган. Кристенсеннинг маълум қилишича, видео тўлиқ битта дубль ёрдамида олинган. Бироқ бунинг учун 8—12 маротаба уриниш амалга оширилган.
Meduza’нинг ёзишича, Кристенсеннинг видеоси Twitter’да тарқалгач, «Галактика қўриқчилари» режиссёри Жеймс Ганн эътибор қаратган. Режиссёрга Кристенсеннинг иши шу қадар ёққанидан у Жейни Лондонга, «Галактика қўриқчилари»нинг учинчи қисмини суратга олишга таклиф этган.
https://twitter.com/JamesGunn/status/1369427359170957320
Изоҳ (0)