“Barselona” jamoasi Chempionlar Ligasi 1/8 final javob bahsi doirasida 10-mart, chorshanba kuni PSJga qarshi bahs olib boradi. O‘yin Toshkent vaqti bilan 11-martga o‘tar kechasi 01:00 da boshlanadi.
Katalonlar ustozi Ronald Kuman uchrashuvga jalb etilgan futbolchilar kengaytirilgan tarkibini e’lon qildi. Undan 22 nafar futbolchi o‘rin olgan.
Uchrashuvni jarohat sabab Xerard Pike, Ronald Arauxo, Serxi Roberto, Ansu Fati va Filippe Koutinyo kabi futbolchilar o‘tkazib yuboradi.
Qaydnomadan joy olgan futbolchilar bilan tanishing:
Darvozabonlar: Mark Andre ter Shtegen, Neto, Inyaki Penya;
Himoyachilar: Samyuel Umtiti, Kleman Langle, Xordi Alba, Xunior Firpo, Serjinyo Dest, Oskar Mingesa;
Yarim himoyachilar: Serxio Buskets, Frenki de Yong, Miralem Pyanich, Pedri Gonsales, Rikard Puch, Mateus Fernandes, Ilaysh Moriba, Konrad de la Fuente;
Hujumchilar: Lionel Messi, Antuan Grizmann, Usmon Dembele, Martin Breytueyt, Fransishku Trinkau.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)